為何軍事在香港只是小眾興趣?

香港自古以來並非國家，亦非兵家必爭之地。雖然香港有駐軍，但無論英軍及解放軍都非常低調，絕大部份香港人亦無參軍既意願及資格，香港亦無軍事學院及有規模既軍事研究組織。軍事在香港從來並非主流事務，絕大部份普通香港人既生活從來亦與軍事毫無關係。再加上大部份軍事知識與政治、經濟、歷史及科學既關係千絲萬縷，要了解及學習係實際上唔容易。另外軍事牽涉大量人命死傷，好多現實非常殘酷恐怖，一般人唔想知亦好正常。係咁既大環境之下，軍事係香港作為小眾興趣就係最自然不過。

我係以前都有類似樓主既感嘆，覺得香港並非軍事愛好者既天堂，想知道少少野已難過登天，為呢樣野我亦曾經覺得唔開心。但人大個左，人生經驗多左，依家又有唔同既睇法。首先，軍事係世界上邊度唔係小眾興趣﹖如果大眾興趣係指好似如電視電影、娛樂圈八卦、運動等範疇，咁軍事相對以上既範圍來講，係世界上邊度都屬於小眾。雖然唔同地方既軍事愛好者既規模各有不同，但呢班人係任何社會相對來講仍肯定屬於小眾。

另外，軍事真係小眾得咁緊要﹖以前我覺得係，但接觸得多，反而覺得軍事係各小眾興趣中已算係大項。去到圖書館及書店，與軍事有關既書雖未至於汗牛充棟，但肯定佔滿幾個書架，中英文都有，而且近年圖文並茂既軍事書籍多不勝數，睇都睇唔晒。雜誌架上既軍事刊物又係睇唔晒，中央圖書館仲有令人大開眼界既眾多英文軍事雜誌。呢d書籍同雜誌質素非常高，睇得多你既知識絕對可以幾何級數增長。有趣既係，呢個世界竟然有咁多人以編製呢類小眾書籍及雜誌為生，更厲害既係香港公共圖書館各買手們既文化水平竟然係咁深不可測，咁高質素既書及雜誌都識入貨以饕讀者，原來係香港作為軍事愛好者已經算幾幸福。

另一個係香港既幸福係我地資訊發達及完全自由，你上網及去youtube有永遠睇唔完，與軍事有關既論壇、影片、網誌等等等等無限既資料比你睇成世都得。我就係以前睇左好多超級高手既作品，包括埋yahoo論壇呢度既各位前輩高人，再加上近年資訊發達，我既見識就好似開竅咁以倍數計增長。

其實yahoo論壇呢度亦係傳播軍事知識既好渠道。呢度出文章方便，言論亦算自由，尤其是yahoo知識係香港少有仍算係活躍既軍事論壇，所以我從來好珍惜呢個可以交流軍事知識既好地方，亦係我係呢度堅持左超過8年既最重要原因。


2014-12-11 23:43:12 補充：
俗語有云﹕“外行看熱鬧，內行看門道”。如果研究軍事唔研究戰略、戰術、軍隊指揮結構及相關歷史等，只係停留係裝備及規模上既探討，就實在係比較膚淺。因為戰史上實在有太多戰例以少勝多，而且係以極端少贏極端多，呢D戰役除左用戰略戰術既原因解釋之外，無可能有其他解釋。不過由於一般呢D知識都比較抽象，相關書籍及資料亦少，或唔普及化，所以當然少人研究。

2014-12-11 23:46:14 補充：
kinyeung，人各有志，如果其他人對軍事無興趣，實在無謂多提，只要自己真係鐘意，多d睇來增長知識即可。

because many people are anti gun in hk, they thinl more guns more violence, so nobody discuss about weapons

可能香港人無服兵役, 學校又無教, 認識唔多, 所以興趣不大.

2014-12-11 13:27:10 補充：
不過, 我有Ｄ朋友都有興趣。

我覺得002講得很正確﹕興趣是自我的，要自己發掘、研究；與別人無大關係。
內地和外國多軍事愛好者又如何???
這關你(樓主)甚麼事????

「本週之星」就是我所講的那類人的典型例子。有研究軍事的人, 一定唔會講出"打仗唔係挽BB槍" 呢類言論。

我就是本身喜歡歷史，然後開始喜歡軍事歷史，再到現在喜歡軍事的。你所講的歷史我怎會不了解?

2014-12-08 17:23:09 補充：
從古知兵非好戰 , 愈了解軍事, 就比其他人更知道戰爭的可怕，更明白以戈止武,以戰止戰這些道理。而不會因為看到某國試射導彈/進行軍演的新聞，就說該國好戰,具侵略性云云。

2014-12-08 17:39:22 補充：
在內地和外國，軍事愛好者的相對數量都比香港多。 看看youtube 等平台發表意見的多是甚麼人, 香港幾個大型討論區的討論質素遠遠不及天涯/鐵血/百度/axis history forum等 就知，軍事在香港只是小眾興趣。

2014-12-11 13:39:41 補充：
回 kc
就是香港學校,媒體對軍事知識的介紹唔多
我覺得自己稍懂一點軍事, 對軍事又有興趣
很想將呢d 知識同人分享
無奈有好多好像有d興趣聽你講既人
我同佢地介紹兩句後
就撻句類似"打仗不是玩玩下會死人的"
呢一點我何嘗不比他們更明白?
咁樣同佢地再講落去只會係對牛彈琴

你看了連外國軍事家和管理學學者都研究的《孫子兵法》未，既可作為話題的切入點，加上你對現代戰役或軍事部署的見解，除了討論相對的異同外，你可能要能顯示對當今世界或現今國際實況的影響和可以導致的不同結果表述，又或者引用某種戰略來討論時局的對策，那麼別人才會願意聽你講和討論。

例如當今香港的佔領事件中政府似乎用了統戰前期或國共內戰時共產黨的"戰略"，包括"敵進我退 敵駐我擾 敵疲我打 敵退我追"的改良式，又或者統戰基本法"聯合次要敵人，打擊主要敵人"的改良版-竟然可以做到"用次要的敵人打擊主要的敵人"，卻又不致發展成文革式的以民間身份定位的無止境批鬥，但其實民間內部其實已經產生同樣的內部予盾惡果，只是從領導層面(各方面)沒有人有狂想地作出思維或行動上改造的"戰術"來突破博奕的膠著。當然這是"小得不值得談"的戰事，不過假如沒有大國背後戰略經驗的"主張"，從以往的警務處和特首辦的"做事方式"，應該不會實行出這樣"雙輸"的策略。[以上只是小弟無知膚淺的"分享"]

假如討論軍事"大事"，真要請教你對"伊xx國"的"攻略和國際的對策的評論。因為到目前為止只見像應付濕疹式的葯膏，但不見有基因改造免疫系統以求根治的戰略，最大隱憂是除了定性病原體之外，連防止病原擴散的對策仍是有限，國際大國和個別國家視情況仍是發生在範圍有限的影響跟兩次大戰的起始點是否很相似呢。

講咁多只係想話「興趣係自己的」，不在乎有幾多人"分享"你的見解，有人同聲同氣也只是錦上添花，沒有同咯人也應該能孤芳自賞(戰爭只有教訓)，這才是道。

朋友，軍事打仗會死人，好聽啲嘅革命，一樣有人頭落地，讀讀歷史啦，法國大革命，蘇俄大革命，一戰，二戰，近代文化大革命，有幾多人枉死？打仗唔係挽BB槍，香港人熱愛生意，熱愛搵錢，熱愛遊埠，熱愛和平，唔想死人！