如果男仔對女仔好，代唔代表一定冇機會戴綠帽呀？

今日我跟一位大約50歲嘅auntie食飯，大家傾計講到依家好似越黎越多年輕人選擇唔結婚呢個問題，佢問我將來諗住會唔會結婚，我話我考慮緊可能未必會同女仔結婚，因為我之前聽人講過依家90後啲新一代女仔好多都唔係咁定性，比較花心同受唔住誘惑，現時嘅我未有女朋友，但我驚將來如果真係識到女朋友，都驚對方會唔會好容易戀心，可能萬一遇到更具吸引力嘅男仔時，我可能會俾人「戴綠帽」，如果結咗婚先戀心，到時俾人hurt之餘仲可能要搞離婚同分身家，不過個auntie就同返我講其實女仔係唔會俾男人「戴綠帽」架，除非個男仔對佢差，如果你對個女仔好好嘅話，人哋係唔會鐘意第二個架，
其實想問一問大家覺得其實係咪架？只要男仔對女仔好，人哋就一定唔會對仔不忠要你戴綠帽就算遇到條件更好嘅異性？ 比如更加靚仔或者更加識晎女仔
我目前為止考慮可能未必會娶老婆，因為驚唔知會唔會遇到會對自己不忠嘅女仔，雖然個auntie話男仔如果對女仔好嘅話女仔係唔會戀心，但我自己本身由細到大睇TVB啲節目都發現如果個女主角遇到一個更加吸引嘅男仔，就有機會同男朋友分手，即使個男主角本身可能對個女仔好好 (比如喺陀槍師姐IV入面蔡少芬識咗更加靚仔嘅林文龍之後飛咗歐陽震華)