我要短講(車窗外的風景)

可嘗試說坐在車裡，看着景物一直倒後退，對當中的感悟。讓我試寫一小段，盼能給你點意見(由於短講不應使用書面語，但若是文稿，請將下句譯作書面)：
我很喜歡乘巴士，遊巴士河。望住車窗外嘅景物，有時路面暢順，巴士走得好急，望住快速向後退嘅景物，有種走馬觀花嘅感覺，景物一直向後退，我望咗一眼，好快就走，好似車窗外嘅一幕幕冇存在過，自己冇見過。有時搭車望街景，偶然見到一個久別嘅朋友，好想打聲招呼，但因為喺車上，佢根本見自己唔到，連打聲招呼嘅機會都冇，心諗：何年何月能再會？車窗外嘅風景成日都係一去即逝，就好似，你喺車到，見到一個好靚嘅晚霞，好想影低佢，但當你搵咗部機，準備噤快門嗰刻，車開咗，嗰個景物就已經唔同，就算你下一次計好時間，準備好你部機，影出嚟嘅，都唔再係第一下見到嘅嘢。可能會不捨，但人生就係咁，一去不復反。但其實，亦無須過份留戀傾刻嘅事物，因為人生就係不停嘅前進，過去嘅自然會走，新嘅一頁會來臨，咁又何必留戀呢？
活在昨天嘅滄桑，活在今天嘅實在。好好享受現狀吧

希望幫到你

為什麼車窗外的風景是向後退的，我要往前看，或要往後看，才能看到人生的風景﹖