1瓦特=?伏特=?安倍

電壓的單位係伏特(VOLT)簡為V
電流的單位係安培(AMPERE)簡為A
功率的單位係瓦特(WATT)簡為W
供電大部份情況係恆壓，即電壓不變，以香港市電為例，是固定在220V。
若沒有接任何取電裝置，電流為零。電壓仍是不變的220V。
若接上一個熨斗，生成迴路，會有電流，舉例取電4A，當時的功率計算為220x4 = 880W。這個數字只在這個電路有效。
若你問 1瓦特=?伏特是不成立，因為是不同單位，沒有直接關係，只有在某電路時可以計算。

三者關係複雜得不是任何兩者之間就能有關係
先講講三樣分別係咩黎先

瓦特係功率單位, 係量度能量變化率(或者話能量傳輸既速度):
功率 = (能量變化)/(時間變化)
例如話 1瓦特即係有每秒鐘有1焦耳既能量傳輸 (1W = 1J/s)


伏特係電勢/電勢差既單位, 係量度每單位電荷喺某個位會有幾多電勢能:

電勢能係例如一粒電子受緊電力被拉向左面 如果反方向拉粒電子 佢就會儲起咗啲能量 果啲能量叫電勢能
喺唔同位置 電子會有唔同電勢能 如果我地係想某個位(唔再係淨係講粒電子 而係講任何電荷喺果個位發生咩事)既話 電勢可以幫到我地
電勢 = (電勢能)/(電荷大小)
即係話, 電勢 = 每1單位電荷喺某個位置 電勢能係幾多


而安倍係電流單位, 係形容每秒鐘有幾多電荷(e.g.電子或者質子呢啲帶電荷既野)通過
(電流唔一定係講每秒鐘, 可以用1分鐘, 1個鐘等等, 但係好多時都會係每秒, 而安倍呢個單位係以每秒做基準)
例如話1安倍 即係有每秒鐘有1單位咁多電荷流過
正如其他回答有提到, 樓主可以想像成為水流, 每秒鐘有幾多水流過之類

至於三者之間既關係:
功率 = (電勢)*(電流)
(原因係: 功率 = (能量/時間) = (電荷*電勢/時間) = 電勢*(電荷/時間) = (電勢)*(電流))
單位上: 1瓦特 = 1伏特*1安倍

希望幫到你~

P= VI

1W=1V x 1A

喂，係三件事嚟架，唔好撈埋一碟，伏特係電壓單位，安培係電流單位，瓦特係能量單位，你唔知係乜可以用水炮舉例，水炮要有水射出，就要有壓力，壓力越大，射程越大，如果冇壓力，唔好講射，流也不行，如果你俾水炮打中，彈開幾丈遠，咁你就係受咗水炮能量，所以，能量等於電壓乘與電流。