2014年學韓語那一間比較好

我係HANAone學左差唔多2年, 覺得都唔錯啊.
另外2間未試過就唔評論了.
頭個年因為自己timetable就唔到轉過3個老師,
平均黎講, 3個老師都好有耐性教. 佢地都會盡量融入學生的圈子
不過都係用普通話教,如果你普通話唔係咁好,
可能會有啲辛苦....不過我冇依個問題.. :')

不過本人黎講, 我都係鐘意第3個老師 (姐係依家個個)
除左text book之外, 佢仲好俾心機準備worksheet,
會根據我地喜好/ 最近興咩去準備worksheet, 而唔係用同一張教10年.
例如我地班有人飯SHINee泰民同少時泰研,
佢地兩個成日都會係worksheet度出現,
見到都醒神啲, 搞到我地班長期hyper -v-"

至於環境方面... 唔知你指咩環境呢?
係旺角同太子中間, 我覺得都ok方便啊
同埋雖然細細地,不過因為成層都係HANAone,
有人會定期清潔, 所以洗手間都好乾淨
課室有2種, 一種係好似普通學校個啲每人一張檯
另一種係一張大檯圍住坐.

我地班有8個人, 都算小班教學掛? (有啲難定義點為之小..)
不過我岩岩開始上晏奏3點幾就少人啲5,6個左右,
我個friend 上星期五一點幾, 佢話佢個班得4個人.
睇下你係學生定返緊工啦/ 你想你同學係大概咩年紀啦
我以前上晏奏就多學生, 依家上夜晚就變左忙內, 全班得2個仲讀緊書:')

容唔容易明白就見仁見智啦,
因為始終用普通話教, 唔識普通話都真係有啲難
不過普通話ok嘅話其實一啲都唔難
btw, 你係咪初學?
如果係,提提你, 初學一定會悶,
始終佢要由字母教起, 點都會無聊架啦,不過打好底好重要.

建議你再去搵下另外2間(世宗韓語教育中心/弘益語言教育中心)比較下
因為我始終未試過..俾唔到意見
希望你學韓文學得開心:D