買天文望遠鏡

如果真係有睇過星既，都知道天文望遠鏡唔係用來睇一粒粒平平無奇既星星，而係用來睇月亮及行星。因為光害嚴重而叫人唔好買望遠鏡係最外行，最無經驗既山埃貼士。

雖然香港光害嚴重，但未至於光到連月亮都見唔到。係天文望遠鏡之下既月亮非常靚及十分神奇，而用天文望遠鏡亦可以睇到金、木、火、土等行星，同樣非常靚。如果去到真係夠黑既郊外，係天氣好既情況下，好既天文望遠鏡亦可以望到部份夠光既星雲及星團。

另外，將相機作為目鏡裝係天文望遠鏡上，經過小心曝光就可以映出好靚既相片，而太陽望遠鏡亦可以睇到平時你無可能睇到既太陽面貌。仲有，過去幾十年既天文前輩全部都係自己想盡辦法，搭巴士或自己渣車

咁樓主應該買乜鏡好﹖我反而建議樓主先去玩下各天文學會及太空館既活動先，攞多少少用天文望遠鏡既經驗先。如果真係想買，用幾百蚊買一個雙筒鏡睇下星雲星團先會好d。遲d又真係想買坐地式天文鏡，以香港地方少來講，買二合為一既折反射式望遠鏡會好d，一支4寸鏡唔連架大概幾千蚊，算係負擔得起。

赤道儀及自動追星既摩打通常都可以一套買，但你又可以自己出去買啱你既來用。不過如果你係初學，追星儀用得著，因為個電腦入面既星名及星座名全部係英文，剩係要認得晒呢d名已經要好長時間，所以最緊要一步步來，買d簡單裝備來玩先。


2014-12-02 15:43:59 補充：
再重申一次，買天文望遠鏡係為左睇月球、各行星或深空天體如星雲等。只有深空天體需要極暗既環境。至於月球及行星則非常光亮，即使係尖沙咀海旁都可以睇得極為清楚，用天文望遠鏡睇亦可睇到不少細節。樓主買支鏡番來應該係去睇月球及行星，星雲星團等係好好彩先有機會見到既bonus，只要去多d觀星活動，實有機會見到。

1. 反射式天文望遠鏡，具有體積細、重量輕、倍率高的好處，價錢較平；但缺點是保養難、不耐用，因為反射鏡會較容易氧化。
折射式望遠鏡，保養、安裝都較容易；但倍率低。雖然如此，你所要求看土星及星團，都可勝任，一般望遠鏡達到400X倍都足夠了。
2. 通常都包腳架，但是否適合，就見仁見智了；因為部份平價望遠鏡，腳架質量都差D，不可靠、不能安裝經緯儀等問題，影響很大。所以你選天文鏡，首要考慮的是腳架是否可靠。
3. 赤道儀是追跡地球旋轉方向、經緯儀是顯示望遠鏡指著的位置，配合星圖，就很容易找出星團位置。因此，如何準確安裝天文望遠鏡，都是一個重要工作。
4. 牌子我唔會評論。
5. 望太陽要加黑色遮光鏡(要達燒焊級玻璃)，而且不能直接透過目鏡觀看。將望遠鏡觀看地面目標，可加上"正立目鏡"，作普通望遠鏡使用。電動摩打，可安裝於赤道儀上的，是極有幫助追蹤觀看星星；因為地球是不斷旋轉的，星星是會隨之位移。

天文望遠鏡沒有特定裝備，樣樣要計錢，有錢買並不難，但你要用就非常之難，本地夜晚比日間還要光，你用支鏡望對面屋來得容易，要望星，非要入到深山不可，問題是你去得到嗎？

2014-11-23 23:42:48 補充：
對啊! 所以我話你要買絕不難，本地根本沒有地方俾你發圍，最近你都要返大陸，你未買嘢前你先參加某些學會做會員，佢地會定期外出觀星星，當然唔係過海咁簡單，你可以觀摩一下再決定，好多時第一步係學睇星圖。