整熱香餅幾問

1: 睇你自己口味, 我唔會加糖, 會加蛋同奶粉(因為冇特登買淡奶或鮮奶), 份量煎三塊以上我就加兩隻蛋, 有加蛋會容易剷反轉, 相比只加水會好味得多.

2: 你可能水太多. 我冇計水份量同計時, 用細火, 都冇落油煎, 啲粉開到好杰, 杰比唔杰好味, 煎到表面起晒泡, 就用木剷慢慢剷側邊, 覺得黐住就唔剷, 煎多幾秒, 側邊可以完全剷起就可以剷反轉, 唔好等到聞到燶味先剷.

3: 我用易潔煎鍋, 唔使落油, 煮餸鑊都試過, 覺得都係易潔鑊煎好啲, 會較容易剷反, 煮餸鑊煎要落牛油先易剷反轉.

你要落油煎，通常用牛油(唔係植物油)，仲要用易潔鑊。