有冇人試過一直忘記唔到前度男友而每天都做同一件事去回憶?

同EX拍拖半年, 現在已分手接近10個月,
一齊既時候冇鬧過交一直好甜蜜, 但大家經不起考驗,
一次一個誤會, 大家都係硬頸果類, 結果果一次誤會鬧了一場大交,
然後我衝動提出分手, 佢直接話好, 仲說可以做返朋友, 我覺得佢係鬥氣先話做返朋友,
咁我唔知佢其實係咪真係咁想分手, 但唯有說好啦, 大家變回朋友吧, 而我當日不是真的想分手, 只是太衝口而出,我都後悔講左呢2個字當期時及以至現在, 我好勝沒有挽回, 始終我講左出口, 也不好意思收回了, 但實際我係想佢答不好分手, 可惜...。靜落來諗, 會覺得如果他真是愛我的話, 也不會直接接受分手, 所以我一直都不敢做任何事去補救呢段關係。

結果一個月又一個月的過去, 我仍然很惦念一齊既日子, 心諗, 做朋友都可以好開心, 至少我仍可以同佢聯繫已經滿足到我心靈, 可是他當初說做朋友也不是真心, 可能這句話是完結一段感情的最後對白, 我當然好天真以為真是有朋友做都不錯, 就算不是再一齊返我都絕對願意有佢呢個朋友,咁我每隔一段時間都會嘗試搵佢傾閒計, 平均一至兩個月一次,傾都係WHATSAPP 5分鐘左右內容, 發覺他都不想對話既款, 我都冇勉強落去, 所以間斷地聯絡了數次5分鐘, 加起來都應該有30分鐘..哈哈。

而我呢段時期, 都幾乎每天看大家惜日既回憶, 不由自主地看, 指的是WHATSAPP 內容,
有文字又有錄音, 看了數百次, 看完會有種滿足感因內容都是充滿歡笑的,
咁我開始發現我好像活在過去, 每次開返呢些回憶都當作佢仍然在我身邊,
又或者係在太掛住佢既時間, 就即刻開呢D 內容睇, 睇完就會笑返, 而呢D 回憶好似變左係一種藥物, 治療我失去佢既傷痛, 講出泥都覺得自己好變態, 其實有冇人試過好似我咁既情況? 實質我拍過好多次拖, 都有6次, 未試過咁難忘記一個人, 而又開始懷疑自己係咪病態的一種, 呢種難以忘懷既感覺其實都幾困擾, 當然沒考慮睇心理醫生,
之後在有一次機緣下,有另一個男仔嘗試想同我交往, 我猶豫左好一段時間, 因為都未忘舊愛, 又點接受新的, 但常言道, 開始新一段就是最佳良藥, 咁果個男仔都知道我失戀有想令我忘記舊愛的意思, 那我就鼓起勇氣開始同佢了解, 拍拖, 而結果都好正常, 就是唔WORK, 大家未了解太深, 最後還是性格不合分開了, 短短數星期, 不過很奇妙的是, 當同新一個男仔一齊後, 又真是冇再掛念舊愛, 而我又真是認真的探索同嘗試投入新一段,
而最後雖然分開了, 但我發現當再次回復單身之後, 我對舊愛既惦念又湧現返出來,
又再次回歸到每天要開WHATSAPP 睇舊回憶來平復自己既情緒,可能,呢個過程我交過了新男友而都未好番 就係人稱既搵左個水泡。

我知我會有一日好番, 但唔知呢日係幾時
但其實我想問:
1) 舊愛咁灑脫係點做到? 其實係咪男仔都比較容易放得低, 佢好EASY 就MOVE ON?
2) 有冇人真係好似我咁, 係咁睇返D回憶都可以短暫開心返, 因為我覺得自己痴左總制
3) 一個男仔唔願意做返朋友, 係咩原因? 就算識左新女友, 都可以抽好少好少既時間同所謂既EX 傾下計, 朋友式果種, 吹無聊水, 為何要咁抗拒? 真是怕影響新戀情 ( 若有既話)

最後多謝有睇晒咁多字既人, 希望有人回復分享下