我想知佢係咪中意我或者對我有冇好感可以點做

我係15歲女讀緊書既, 佢係23歲男(就生日) 識左差唔多2個月
我係學野果到識佢既 佢係教練黎
咁我平時上堂都係佢教既
我之前整傷左隻腳 佢送過支油比我 第2日去到果陣都有問我支油work唔work 仲教我點揸

跟住前幾日上堂休息果陣 我同個friend傾緊計 之後個friend見到我腳痛又係到叫我抖下
跟住佢行左過黎我後面係到聽我地講野, 之後休息完果陣 佢問我同我個friend想唔想練第2d野.
我唔知係我諗多左定係咩啦 因為練其他野唔會整到隻腳

同埋踢沙包果陣 因為我隻右腳整傷左好痛 所以我都冇出力 整係轉隻腳上去
跟住佢見到果陣 佢有問我隻腳邊個位痛. 同埋佢有講笑咁樣問我洗唔洗呵番
最尾對人練腳果陣 我好攰啦, 停左一停, 果陣佢睇緊隔離果1 pair, 但係冇啦啦行左過黎幫我鏈左幾野 跟住同我講"唔攰下唔攰下".
不過做體能果陣我地要收腹啦, 所以佢就禁下我地個腹, 因為成班得我1個女仔, 佢行過黎申左隻手出黎就快掂到我個腹果陣佢停左一停 跟住問我介唔介意
問我介唔介意咁即係覺得係普通師生關係?

第2日上堂果陣 有個上次唔係到既職員問佢我上次sparring打成點, 佢都係咁讚我, 就算話我打得唔好都係講笑既形式 冇話令我太魚.
之後我問第2個教練我腳痛要按邊個位果陣我又見到佢即刻望左過黎

其實我每次同其他男仔講野果陣佢都會望過黎, 同女仔講既就有時望有時望完就走左或者同其他人講野. 同埋我之前問第2個教練d PE功課果陣, 個教練同我有身體接觸啦, 之後佢教緊堂既 咁岩又休息, 跟住佢行左過去我同個教練對面張櫈果到坐底.

之後又有次 我腳傷未好番走去上堂, 跟住佢成日望住我隻腳, 又有問過我有冇腳痛.
同埋果日佢比平時做多左2set體能 仲要係同1set, 跟住做果set體能果陣仲叫我同我個friend抖下(我個friend都整傷左)(我個friend有男朋友, 佢知)

同埋有時人地同佢講完d好笑既野 佢會同番我講, 有1次有人問佢結左婚未, 咁佢先得果23, 之後果陣我冇聽到啦, 跟住佢轉過頭就即刻問我結左婚未.

同埋上個禮拜, 我走果陣佢有問我聽日(果日既第2日)係咪都會上去, 我開頭仲以為第2日有咩特別事, 原來咩事都冇.

同埋我之前坐左係到冇上堂 佢問我咩事, 我話我腳痛啦, 跟住佢就叫我一係陣間果堂整係打拳唔好踢腳, 我say左no之後佢又叫我再唔係拉下筋都好,我就話之前拉傷左, 跟住佢就叫我一係做體能, 我又say no, 跟住佢就話一係陣間睇下同唔同我sparring, 因為佢知我中意.
咁樣係咪因為想我上佢堂所以先係咁叫我?

----------------------------------------------------------------------------------------------------------------
我早幾日唔開心, 佢有wtsapp問我係咪唔開心, 之後我問點解咁問, 佢又話見到我係館到又唔郁又唔笑,問我搞乜鬼. 之後我話我整傷左所以唔郁, 跟住佢就問我除左腳背痛仲有冇邊到痛,跟住又叫我休息下. 但係之後就話自己都整傷左, 同埋話上次比我踢傷. 之後我問佢有冇事同埋話我有排都打唔到佢, 佢就問我係咪痛左好耐, 之後我話我未病好又冇抖過, 跟住佢就話自己d咳都未好, 又叫我快d食藥揸油.但係之後講下講下講到我呀媽點解鬧我之後, 佢打左個無奈既emoji之後就冇再覆過我, 我之後有打左句野,佢睇完都冇覆.

其實我真係唔知佢點諗. 佢平時唔會wts我, 就算我主動搵佢都係傾得果1,2句就會end topic, 我唔知係我成日end topic搞到人地唔想覆定係點啦, 總之就wts唔到.

其實之前我有次唔開心,佢都有wtsapp問我係咪唔開心既, 果晚仲傾到1點幾, 12點果陣都有問過我第2日洗唔洗番學, 叫我早d訓. 仲講到去佢個妹d事果陣, 話如果佢個妹有我咁乖就好, (佢個妹大我1-2年).
但係而家越黎越唔同, wtsapp親佢佢都好冷淡, 但係平時面對面見到佢果陣又好friendly咁.

琴日我坐係個瑜珈波上面, 佢行過仲踢左1下, 跟住又有拍過我搏頭.
呢d小動作通常係中意人先有架ma, 但係我又覺得佢對我冇乜野.

其實佢係想點?
佢對我有冇意思?

而家有好多人都問過我係咪中意佢, 有好多人都話feel到我中意佢, 咁我諗其他人都feel到佢都冇理由feel唔到掛, 但係佢又冇咩表示, 咁係咪即係代表佢對我冇feel, 唔中意我?