✔ 最佳答案
1) 地勤同空姐無規定中學及大學要讀邊科, PR比較多係大學或大專傳理系/公共行政畢業, 或者其他學系畢業後入傳媒工作, 之後轉行做公關都有.
2) 因為飛機入面有好多人工作, 所以要有團體合作精神. 面試要識得笑, 唔好插嘴, 不斷指摘別人不是. 要有一定體力, 因為做空姐要輪更, 克服時差, 體力勞動乘客未落機, 空姐要保持專業型像. 因為飛機上要面對不同客人, 所以空姐地勤會重視語文能力.
地勤要OT同識面對前線壓力. 學歷同空姐差唔多.
3) 與其數理, 語文能力(特別中英普)更重要. 但係國泰同港龍空姐及地勤都係要求文憑試5科2級或以上. 不過, 唔少專上畢業生爭空姐做, 而且競爭激烈.
國泰請PR要求專上學歷, 有新聞觸覺, 對政府及公共事務有認識, 要有良好溝通能力及分析能力.
4) 空姐: 乘客上機前要整理報紙雜誌，準備毛巾、飲料及餐點, 乘客登機要起機門歡迎同帶位, 起飛前要檢查乘客係唔係扣好安全帶, 講解救生衣同氧氣罩點用, 緊急情況時協助疏散旅客. 飛行途中要提供餐點, 飲品, 免稅用品. 如有旅客不適要提供簡單醫療服務, 所以航空公司培訓要學急救. 當有人劫機空姐亦需要制服.
地勤範圍好廣泛, 因為飛機維修同行李裝卸都可以叫地勤. 如果你係講面對乘客較多的地勤有櫃檯地勤, 劃位, 行李搬運, 解說行李需知. 另外有些負責出入境, 例如要登機、查驗證件、搵登機旅客、幫轉機旅客找旅館.. 貴賓室要了解各客人喜好, 提供貼心服務.
做航空公司公關要同不同持份者(如政府, 股東, 傳媒等)聯絡, 籌備提升公司形象活動, 高層公眾活動同演講要提供支援, 籌備公關資料如簡報資料, 會議, 參觀, 會議...
5) 國泰空姐就$14-15K (工會講), 官方公佈就$17-18K, 港龍相同. 港航$13K
2012年資料: 國泰請地勤就$12K, 未計津貼同OT同機票優惠..
6) 有d航空公司如國泰會出面租寫字樓做票務辦事處, 呢d工作亦都會面對客人.
7) 15歲不如先讀好d書先. 你想做航空業起碼考完文憑試先行動. 我剛才講既空姐, PR, 地勤都要起碼文憑試合格或有專上學歷.
8) 空姐要伸直雙手觸及208CM, 可以gut高隻腳掂, 但要脫鞋及不可跳高. 呢關過唔到已經bye bye.
2014-11-16 17:23:20 補充：
如果想大學讀傳理/公關, 同樣無要求中學要文/理/商合格, 但同樣語文要求較高. 例如浸大將中文同英文成績乘1.5. 港大、中大、浸大、樹仁及恆管都有新聞/傳理讀.
