離職協議書

呢題多咗D資料，但亦都顯示出一個大問題：
稅務局追稅，究竟有冇人瞞稅或逃稅？

。。。
首先，到高等法院，以僱主用欺騙手段騙你簽署離職協議書，
請法院頒令離職協議書無效。
即使有人教你訴訟步驟，你自己上庭唔用律師，
你都有好多問題要處理。


１。證據。
僱主有你簽署既白紙黑字離職協議書，但你除咗口講
＂僱主承諾會在簽署協議書後支付所有薪金給你＂之外，
仲有冇證據？有冇人證？有冇其他白紙黑字既證據？
冇既話，你個case都好弱下，有機會會輸。

２。如何起草訴訟既法律文件？
呢Ｄ都係律師既專長，自己寫，搞錯了你會輸咗成單官司。
所以搵律師幫你好Ｄ。
又或你可以搵立法局議員或區議員，佢地都有Ｄ免費
法律詢諮服務，希望佢地幫到你啦。

３。訴訟費用唔平架。
即使你自己上庭唔用律師，慳反自己既律師費，
但如果你輸咗，你要支付對方既律師費。
咁可能比你要追討既薪金多好多。
你要睇下值唔值得。

４。稅務問題
稅務局是否要求僱主扣除薪金支付稅款？
僱主沒有支付的佣金，你有沒有報稅？
僱主沒有支付的佣金，在他的賬目內有沒有入賬？
僱主明明未支付薪金，却說已支付，所以沒有薪金可扣除。
那是瞞騙稅務局。但若僱主的賬目冇問題，
冇瞞稅或逃稅，那也沒辦法追究。

５。欺詐
僱主用欺騙手段騙你簽署離職協議書，
是刑事，你報警處理吧。
到時警察會查，可能可以搵到Ｄ有用既資料證明到
僱主冇俾錢。