✔ 最佳答案
一半人會話十八歲先來學太遲了,另一半人會話學琴無年齡限制,幾多歲都可以。兩邊都有充分理據,你也找不到真正答案。
其實你應該問自己,你學琴是為了什麼?鐘意什麼樣的曲子?想彈到什麼程度?
想彈到李斯特,蕭邦,得布西果D,十八歲先來學真係太遲。彈得到全部蕭邦etudes果D係叫鋼琴演奏家,你係咪想做專業演奏家先?
如果係,我可以好負責地告訴你:算把啦。
如果你的目標是可以彈下抒情音樂(例如: Yurima, Richard Clayderman,日劇韓劇果D片頭片曲),流行曲,或者自彈自唱咁,十八歲起步絕對無問題。而且一開始就可以學樂理,相扶相成。不同小朋友學琴,一開始幾年都係搬豆豉過鍵盤。有心學,可以進步好快。
有D流行鋼琴班,一開始就教chord,兩三個月就可以彈到成隻歌了,無彈開琴果D人聽落會覺得你好勁添!
先有了明確既目標,然後同老師傾下點樣達成呢個目標。唔係個個老師都適合不同教法。搵到一個適合你的教師係第一步,亦是第二重要的一步。
第一 重要,當然係你要有時間有心機練琴啦!
2014-11-05 02:37:32 補充:
樓上那位曾Sir個網站話 "因應學生學習程度編制課程及揀選合適樂器書籍"
應該唔錯,可以去試下。
利申:我只係多手睇左下個網站,我唔識佢架。