匯控會步渣打後塵嗎？

你點解要用匯控去同渣打比較?點解唔搵工行建行?或者點解唔搵恆生中銀?

攪清楚佢地核心業務之間既分別先問啦.

2014-10-31 11:26:29 補充：
近10年,匯豐全力發展北美,渣打則發展新興市場,所以過去10年渣打完全贏哂匯豐,首先大家既業務地區已經唔同.其次係匯豐意圖轉移成為投資銀行,09年開始縮番做零售銀行,但渣打呢幾年不單止唔縮,仲要谷,而家係縮都縮唔切.

渣打今日暫時面對兩大困難,第一係美國預期開始加息,資金開始回流美元,新興市場難再有錢泵入,要爆.第二係預期會長期比政府告到PK.

咁匯豐有冇呢兩個問題先?事實上匯豐股價亦冇跟跌.

但如果你認為一齊比較係岩,呢個係你既自由,我係唔會同你拗呢樣野.

2014-10-31 15:06:08 補充：
本身你既問題已經有設定立場,就會匯豐會步渣打後塵.

呢個問題有幾個角度去睇.
第一你唔係匯豐同渣打既股東.
第二你係其中一間,或同時係兩間銀行既股東.
第三係你打算成為佢地既股東.

盈利分佈,持美元資產比重,一級資本充足率,呢幾樣野兩間銀行都唔同,你話匯豐有投資新興市場,係幾多先?渣打又幾多先?

咁就算匯豐係步渣打後塵,咁你打算點?

2014-10-31 18:17:50 補充：
如果你想比較,第一係美國係預期加息,但可能係1年後既事,或者到時又唔加都唔奇,於是就要假設加息對各間銀行既影響,同時未實際加息時,市場係一年內既預期會係點.

第二係渣打就算績差,又係咪要跌咁多呢?而就算跌突左,亦冇講明要短期內反彈.

如果你搵支槍指住我買,1年計就買匯豐,3年計就買渣打,10年計都係買番匯豐.

坦白講,要擔心都擔心內銀好過,呢2隻都算講野老實.

2014-11-05 17:11:34 補充：
你不如幻想下,假設內銀全線爆獲,匯豐同渣打又係咪可以唔使陪死.

目前國內銀行既壞帳率只係1%,講出黎都唔識點比反應,可唔可以用時間換取空間呢?我睇都幾難,但一次過爆又點呢?長線係好,短線就接受唔到,凡有機會影響政權既野,大陸都唔會搏.

總結就係,匯豐渣打又好,內銀又好,非必要就等多幾年,我直覺上都會等到一份慘不忍睹既業績出現,先會開始考慮.