盈富基金(02800)係咪一隻好穩定的股票？跟隨恆指起跌？

第一件事要介定何謂穩定,好多人都誤會,認為背景好好既股票,例如匯豐,四大國有銀行,都係十分"穩陣",呢個係指公司倒閉機會好低,但並唔係指股價可以呎有好強抗跌力,公司唔會執,但股價可以跌到你暈.

2800係追蹤而非跟隨恆指成份股,持實貨,相對於以衍生工具追蹤指數既基金(如安碩A50),係小左一個發行人風險,而多間成份股公司同時倒閉既機會亦唔大.

近幾年上落市,全年高低位相差約5000點,呢個上落係咪穩定,你自己判斷.

2014-10-26 23:52:39 補充：
恆指成份股,入面D公司係咪咁神聖不可侵犯呢?

8號仔,呢隻係經典,唔需多講.
思捷,同8號仔有得揮,但怨氣冇咁重.
富士康,到今日好多人仲以為係幫蘋果代工,其實根本一直都冇,問題係堂堂一隻成份股,資訊流通竟然可以差到如此地步.
中信,為左賭一鋪,可以差D將成間公司輸哂.
匯豐,高位140蚊質到得30,股王都照郁你,冇得傾.

相反,被踼出恆指既成份股,日後表現亦未必會差,例如長建,德昌(其實有好多).
長建更係連續16年長期每年都增加派息,咁既成績唔係藍係咩?藍中之藍啦.

2014-10-26 23:58:28 補充：
唔記得答你,如果你只買不賣,不計較股價上落,純收息絕對冇問題.
呢個係智者行為.