前女友有新男友仲想追返我

前女友:下稱A

A係我學校既同班同學,一齊左幾個月,因為我一時意亂情迷,我自己都懷疑自己放唔低以前既女友所以同A嘈一大交之後分手

中間我都講左好多難聽既說話(比如係攔開,唔想同你扯上任何關係之類)黎趕佢走

但係由於之後無耐仲要返學面對面,好多時都有種尷尬,當假期完左之後第一日,我同佢冇任何交流甚至係眼神接觸

而放學後佢就打電話比我問我點解要搞到咁,仲問我對佢有冇感覺,如果我答冇佢就可以同第二個一齊,當時我冇正面回答,只係冷淡對待

冇幾耐佢都有一段新戀情(下稱B),佢同B睇落好似好SWEET,而且又買埋情侶手鐲(我同佢一齊時冇呢D野),又係狀態講到好愛B之類既說話

但係同一時間又同其他一齊玩開既同學講放唔低我,仲想追返我,又三不五時打個電話比我關心下我,旁敲側擊咁問我同佢仲有冇機會

我由初時既極度冷淡到到而家演變成已經同男女朋友期時冇分別咁,即係一D攬攬錫鍚既親密行為都有係同學面前做


而家我真係好想問,A佢到底想點?係想報仇?定係真心放唔低?但係真心放唔低點解又唔同B分左手先講? 好想有人解答 我已經好耐都訓唔著