我有朋友想做模特兒但又係個瘋癲症康復者病人，點算?

我有個朋友她患左後天性瘋癲症，早幾年搵到醫生做左手術，
不過醫生當時話她傷得太厲害要自動復原先得，
雖然她一年比一年好左好多，發作機會越來越少了，
但她父母明年就快退休啦....她父母點會有咁多醫療費給她食藥同生活呢?
而且政府又無給她津貼，她更加無得自己養自己，
最衰政府評她智力正常，不派發殘疾津貼又不給政府工她做，
她父母已經上訴左好多次重估，又要她扮傻扮唔識答，
她唔想扮傻又給她父母罵照住去扮，
每次都喊住同我講好痛苦，她好想自立，但搵好多適合她體質既工都唔請她，
唔係話她學歷低就話她語言表達差
(其實她語言好擅長的，她休學之後曾經有幾個月去左間就快結業既賓館做個櫃檯，
聽她講那時好多外國人都對她外語感到滿意，只係她父母唔精過外語，
她偶爾用外語同父母溝通但她父母又用瞧不起既態度來責罵令她漸漸自卑唔敢講外語，
搞到生疏曬.......)
唯獨得返模特兒依行未應徵，
她一直以來都同我講她其實她最想入模特兒公司應徵做平面模特兒，
不過她好擔心唔知模特兒公司會唔會接受她....(因為她想搵台灣的模特兒公司)
又無認識到依行工作既人，想有人推薦入行都唔得....
但係我朋友已經26~27歲，她更擔心依個年齡入依行能唔能夠成問題，
她雖然好返左八成，但仲有兩成未好返，仲要食藥同複診控制病情，
但她同我講再唔搵到工作就好麻煩，我都替她好煩惱，
我想問下，瘋癲症康復者可以踏入模特兒界依行嗎?26~27歲依個年齡應徵無問題嗎?
可以的話有無同行既人介紹?