何謂股票向下炒? 如何獲利?

其實有好多方法,原理差不多,但手法可以好複雜,我可以舉2個易明既例,至於係咪詐騙,技術上唔算係(講真,1萬單你都拉唔到1單,唯有話唔算係).

1. 借貨沽空,有d長坐貨既基金,d股票係手都係得個擺字,於是就借出去,計番d息口幫補下.收貨人只需付出利息,然後就有大量實貨在手,咁然後就大手拋出市場,個價跌到咁上下,先從低位入番貨,再還番比人.

ps:有時d股票急跌會大力反彈,就係因為可能有人要平倉,從市場上急急補回之前沽出既貨,因為升上去價位係可以無止境,或者有時係借貨比你既人故意咁做,總之呢個世界就係大魚食細魚.

2. 大股東不斷將自己手上股票賣出,愈賣價愈低,然後黎一個折讓供股或批股,貴賣左,平買番,股票黎講,你要幾多佢可以印幾多,收番股票然後合股,又可以向下炒過.

ps:基本上係不斷重複咁做就可以白手執銀紙,如果你問我點解會有人肯咁樣長期進貢,我只可以答人性係好難改變.

2014-10-18 18:10:36 補充：
緊記,同一件事,對公司好,唔一定對股東好;對大股東好,又唔一定對小股東好.

例如公司回購股票,你又認為好定唔好?

派高息,但增加負債比率,又係好定唔好?

總之，買賣股票一定要做功課（睇業績，睇與同行既比較，睇前景，睇．．．．．．），唔好人地講乜就信乜
如果自己賴得做功課／齋聽人講就信／「博」隻股炒得起．．．．．．咁咪即係「賭」囉（同買大小無分別），所以贏就執身彩，輸亦無得怨

買賣股票，係「一定」要交學費架

我自己辛辛苦苦打工儲左8萬蚊, 有朋友介紹我買8072羅馬集團, 話細價股有得炒, 原來上左賊船！ 我在股價$0.022買左5萬蚊, 兩個月跌到得番$0.012, (已經冇左50%有多) 旱排先公佈合股, 16股合做1股; 隔左一個月今日仲要停埋牌, 準備供股. 相信復牌後會馬上跌多幾十巴仙. 今日上網翻查供股同 ‘向下炒’ge資料, 再睇番佢公司ge現金流先知好有問題.



個主席31歲叫陸紀仁, 唔好以為佢係年青財俊, 有合理懷疑佢可能係一個騙子, 咁後生已經涉嫌做埋d甘既野, 涉嫌用向下炒、 托價 、合股再供股方式, 令公司股價下跌, 食哂高位 幫佢接貨既小股東ge錢而令自己致富.



後生細仔, 不務正業, 使橫手，涉嫌利用法律漏洞騙財. 你睇佢個樣覺得有冇福氣? 涉嫌呃人錢致富會吾會有好運行? 知唔知害死幾多人? 好多人蝕左甘多錢頂唔順真係會自殺! 今日蘋果仲話佢入股8351俊文珠寶, 佢好可能都會用同一手法將8351股價推向下, 牟取暴利, 我出呢個post係唔想有人好似我甘傻傻更更上賊船, 為良知而發聲! 我比人呃左當交學費, 但我唔想其他人有損失! 總之逢係呢個姓陸ge入股ge股票, 大家都要小心為上 ! 8351 好大可 能又係另 一個伏！



唔好以為個主席好有米, 有錢就唔使用向下炒方式食人地錢. 真正企業家係會有良心, 而佢係立心不良, 一定有報應!



PS～ 已寫信去証監會同財經事務局要求調查呢間公司！





大家可以睇下東周刊 詳盡介紹呢類人點樣涉嫌呃人錢:

<<先合後供 掠水百億 揭大股東連環殺大股民3招>>

http://eastweek.my-magazine.me/index.php?aid=11023



<< 向下炒 手法>>

http://realblog.zkiz.com/lgaim/16928