我有朋友被舒適堡推銷,好大獲, 想問問有冇辦法解決

呢個故事分前後, 希望有人睇完真係可以比下意見我個朋友

我個朋友,佢想減肥做GYM,加入左舒適堡簽左成1萬8千會籍加教練, 我本身唔係好BUY佢,但知道佢真心係想減肥想有個教練係隔離操佢,甘都好既,俾左錢真係會努力操。

但係有日,佢陪另外兩個朋友去第二間分店做GYM, 之後做到一半佢又比3個教練捉左入房SALE野, 佢再簽多一次, 之後舒適堡打比佢話點解簽第2個教練, 解釋完之後佢居然再加簽多唔知幾多堂,然後將所有堂調返去本來個教練到。

我聽到火都黎埋, 呢D連鎖公司SALES為左錢真係可以去到好盡,我個朋友就係好易信人,又係個D覺得傾左成粒鐘唔好意思拒絕人,簽完先發覺後悔個類人

我想問一下有冇咩解決方法, 可唔可以因為個三為教練的不正當影響及有失實陳述而取消份合約? 因為其實我朋友同我講佢都已經係甘同個三位教練講已經報左同有教練, 個三位教練好似壓住佢黎SALE甘SALE唔到唔比佢走甘樣。

而家佢總共要俾成4萬8千舒適堡, 我真係唔明, 佢仲要同我講要問屋企人借住先,真係痴線, 佢唔係我最好既朋友我都唔會甘緊張, 希望有人幫下我手。