✔ 最佳答案
呢個問題唔容易答,你所謂分租比2個人,如果係短約就會違反賓館經營條件.
咁跟住就係開門口,首先好多人以為加建先可能違例,但其實拆走某d野都一樣係違例,呢樣要睇番圖則先判斷到.
另外消防都可能有d問題,因為逃生路線距離都要計數,但一般好少會理呢d野.
PS:CY都係同你一樣,當初都係想信不違返建築物條例,但原來都係違反左.
PS:呢個世界犯唔犯法係一件事,有冇人知又係另一件事,坦白講,香港有9成業主都有違反建築物條例,有大有細,有D直頭係犯左都唔知,因為普通市民係幾難明點解會犯法.
2014-10-17 15:55:30 補充:
佢唔係問得唔清楚,而係根本冇可能問得清楚,基本上分租2間房比人係冇問題,但可以衍生出黎有可能犯法既野就多到你想像唔到.
譬如我舉個例,你打開門口做生意,盡可能合法,咩牌照保險各樣那樣都盡力做齊,但咁唔表示經營當中係保證唔會犯法,好簡單,講錯一句,就可能違反商品說明條例,呢d就冇得好講.
又譬如佢個租客係間房賣淫,咁你都可能中招啦.
2014-10-17 15:57:27 補充:
佢問是否合法,本身就已經冇呢樣野,香港係講唔犯法,唔係講合法,因為所謂合法當中亦不容許有犯法存在.