彈琴問題 - 考左8級等於無8級

這個問題非常好，我想有很多朋友跟你一樣 : 父母叫你學，你咪學囉；老師叫你考，你咪搏命練去考囉！其中五分係為了父母，三分係怕了老師，一分係你自己都想考到八級，一分係自己都鐘意音樂同彈琴。在這個心態下，可以學得成考得到，但考完或停學之後，就會好似你而家咁囉。
據我自己了解，彈琴可分成三大類：
第一種，用眼彈。此類人會照譜彈，也可以彈得好聽，感情／大細聲絕對可以依譜做到足。但如果無譜，就唔知點彈了。
第二種，用耳彈。最簡單既例子，係盲人。佢地聽完隻歌，靠記憶，靠練習，也可以彈得好好。也有一類人，唔識睇譜，只知死記CHORD位，也彈得似模似樣。我有個朋友真係咁！因為已經記得晒成隻歌，所以感情部份會比用眼彈的來得更自然，更真。
第三種，用心彈。結合用眼同用耳，再加上用心。
佢地可以照譜彈，你收起份譜，佢地也可以繼續彈，但可能同原譜有D唔一樣。聽完一隻歌流行曲，佢地可以隨手彈返出黎。專業伴奏果班，聽歌手唱一兩句，就即場彈到伴奏出來。（當然事前佢要聽過隻歌，有一定印象先啦）
用眼用耳，無話唔好，你一樣可以成為一個傑出既演奏家。但如果想成為一個音樂家，那就一定要用心彈了。
至於你話學JAZZ，更加無得偷雞，只能靠用心彈。沒有一個JAZZ琴手會擺份左右手齊全的五線譜在自己面前跟住彈的。普通一個和弦都閒閒地五六個音，份譜望落好似一串串提子咁，望多陣，頭都暈，仲點彈？
JAZZ好似好巴閉，但其實, 只要可以結合了和弦（左右手）以及右手的Fill-in, 是可以玩得似模似樣的。
我解釋下呢兩舊野啦:
和弦：最基本就係Major,(即係 Do-Me-So); 同 Minor（即係La-Do-Me）。再加多個7和弦，基本上已經可以駕馭大部份流行曲。然後，當你開始用Major7同Minor7去取代一般大小調和弦的時候，你已經有半隻腳踏入了JAZZ的大門了。到你開始加入 9, 11, 13, 和 diminished 這些和弦，鐘意將個低音避開個根音，例如，G調和弦你彈粒B做底音，這時，人地聽起上來已經有D爵士味了。
Fill-in：玩熟了上面那堆和弦，右手就要識搵位做Fill-in，大部份Fill-in都係音階，五音階，藍調音階，普通音階，(普通音階唔一定係由 Do 至 Do的，由 Fa 彈到 Ti 落返黎停係 Re 度 ，都算係 Scale，係咪？) 穿插運用。此時，恭喜你, 我地又多一個識講廣東話的爵士琴手了。
最後總結一句，古典（即係考級果D）可以學，可以死練。
但爵士，除了練之外，再緊要唔係學，而係 "悟"。不過在你能夠 "悟" 之前，基礎係要學晒上面那堆和弦先同音階先。

其實自己有無興趣好重要，http://www.goclasshk.com/category/145 有好多彈琴導師，或者搵下有啲咩新興趣！

你也很誠實說出為考試而考試的實况，
香港社會就是這樣，不單琴試，其他學科考試也是，考了證書，就過了關。
1. 你對樂曲喜歡，懂得旋律，才有可能背譜，只有反覆背練無它法。
2. 再說你若很喜歡某首歌，才有動機去背，不過按譜而彈也無不妥，也不一定要背。
3. 已有八級證書，目前，是疏於練習而已，底子還是好的，找出琴書勤力些操到順手，功力自會回歸。
4. 看書一定可以學到，八級水準基本上有譜就彈到，古典及爵士都一樣。
彈好琴無捷徑，只有刻苦練習。

咁又係喎,
其實只係自己興趣,無其他既原因.
想請教下,如果現時我想自學,應該睇番邊d書去令自己彈得靈活d?

多謝你意見呀!!!
我原本好驚問d咁虛既問題換黎係wiki copy既大篇文答案,你幾句話既回覆解答左我重多=]

你考試pass咗就算係，冇人挑戰你，你又唔係唸住教琴，或者做幼師，你識唔識無人有興趣知，咪當攞經驗，不必自尋煩惱。其實你應自問，你學琴點解要考試? 同其他人一樣，彈吉他，吹喇叭，都話要考試，要搵食就話啫，自己興趣，何需認真!