有無讀緊或者做緊護士嘅人可以分享下自己嘅經驗?

做護士其實最辛苦係對住d不可理喻ge病人~~
好多時候病人覺得自己病左..就係大晒..打橫黎行..護士成日要受佢地d氣..畀佢鬧到飛~~我見過有護士長都畀病人鬧喊左...真係好辛苦,,,
護士有一半ge人工都係畀人鬧..畀病人鬧﹑畀病人ge家屬鬧﹑畀醫生鬧（有d好惡頂ge醫生 ..以為醫生高高在上..當護士係佢妹仔﹑出氣袋）....etc...畀佢地鬧都唔緊要..但個point係佢地冇道理咁樣鬧人...有時真係好沮喪...
如果你係脾氣唔好ge人，請你三思入唔入呢行好....
e+做公院又唔夠人手..一個護士要睇成廿個病人..人地外國d醫院..護士同病人ge比例係係1:4~~你睇下香港d護士ge workload真係好重﹑好大架...
好多護士好後生就做壞晒個身體...佢地成日日行夜行冇時停...背痛﹑腳痛同腰痛係最common...扶抱d病人又好易拉親..仲有好多風險架..好似SARS果次咁...
加埋工作壓力...有時真係想唔做....始終護士對住ge係人命..唔係一件死物呀!!!好多護士都同我講過..有得走就走架喇..你睇下.士氣幾低...唉
仲有...病房係一個充滿是非之地..（因為女人多）自問唔喜歡是非ge..都係唔好入呢行喇...如果你日對夜對d是非而你又唔喜歡ge話...你個人係會癲架....
護士係一份壓惡性ge工作...屎尿痰血傷口死屍咩到齊晒..驚ge就唔好入喇...因為呢d野你會對一世架...你驚..就一定做唔到護士
仲要返shift...做左護士之後想o係假期同屋企人﹑朋友去玩﹑去旅行唔係一年易事黎...仲要返night shift..會打亂左個生理時鐘..我識得d護士真係有失眠ge問題。
做護士通常都要一路做野一路讀書...如果你只係得degree..你係冇得升職..一定要到master先有得升護士長...一路做野一路讀書辛唔辛苦..係辛苦到痺....!!!
醫院係一個好多rules ge地方..好多rules你唔明上頭點解要咁做..但你冇辦法..你一定要去follow..做人..有時就係咁無奈...
不過呢份一份好有意義同成功感ge工...如果你係為左$而想做..我覺得係唔值得..如果為左係理想ge..不妨一試

想做護士有幾個途徑, 以前多數都要係理科生, 而家就連文科生都可以報考, 以下有D資料:



開辦登記護士培訓課程機構



．養和醫院

．聖德勒撒醫院

．社會福利署



入行條件



．中五畢業

．刻苦耐勞

．喜歡與人接觸

．有愛心



養和醫院護士學校:

(我以前都係讀商科, 十前年去養和考過護士, 佢首先會睇你係唔係讀理科, 如果本身冇讀過Phy, Chem, Bio, 可以靠Maths成績去報考, 佢會幫你安排身體檢查, 需要筆試同面試, 最後我都考唔到, 文科或商科生機會微D, 因為佢通常都會首先考慮理科生.)

開辦為期兩年既登記護士訓練. 養和醫院過去每年取錄60個學生, 收到申請卻多達2000份, 約33人競逐1學位. 養和醫院李樹培院六樓 (電話: 2835 8950) 你可以打電話查詢.

養和醫院 ---> http://www.hksh.com/



聖德肋撒醫院:

(今年就快截止-25/8/2006)

登記護士學生

入學日期：11/2006

入學資格：香港中學會考五科合格, 包括中, 英, 數,有生物學優先考慮

課程：兩年培訓，包括理論及實習 (以中文為主)

需輪班工作

有意請連同申請信、申請表格、學歷電郵/郵寄本醫院

信封面請註明：申請登記護士學生

截止報名日期 : 二零零六年八月二十五日

申請者如一個月內未被約見, 即其申請未獲考慮。

聖德肋撒醫院 ---> http://www.sth.org.hk/section12.html



社會福利署:

(今年已經截左止-23/5/2006)

社會福利署邀請合資格人士，報讀為社福界而編訂為期兩年的全日制登記護士（普通科）／登記護士（精神科）訓練課程。課程11月6日開課。

課程提供110個訓練名額，包括80個登記護士（普通科）名額，以及30個登記護士（精神科）名額。

課程旨在透過加強為社福界受助人提供護理照顧的理論教授和實習，裝備學員成為稱職和關懷受助人的專業護士。

訓練課程在醫管局護士學校進行，並在醫管局的醫院和福利機構作臨床實習。

申請人必須在訓練課程展開時年滿18歲，並在香港修畢中五課程，或具備同等學歷。社署全數資助每名學員的全期學費50,000元。

每名獲取錄的學員必須簽署承諾書，表示願意在受訓完畢後，在提供安老服務、康復服務、家庭及兒童服務或感化服務的社福界非政府機構或私營機構任職登記護士（普通科）或登記護士（精神科），為期不少於連續兩年。

學員如違反以上承諾，必須向社署償還全數或部分學費。

申請人可到社署總部或各區福利辦事處索取申請須知及申請表，也可從社署網頁下載。

用心服務"貸"您解決任何債務問題,專業理財規劃一次幫你搞定貸款麻煩事

YES貸款理財，歡迎您的加入 LINEID: hot777

銀行貸款 免費諮詢評估 0986、 377、 776

專辦：

房屋貸款、房貸轉增貸款、房貸遲繳、銀行二胎貸款、信用貸款、

民間二胎/三胎代償、代墊、土地貸款、民間二胎借款、

負債整合、二胎借款、房貸協商、房貸整合降息、

免費諮詢評估鑑價或協助辦理各類貸款，不事先收取手續費或代辦費

- -歡迎同業配合- -- -歡迎同業配合- -- -歡迎同業配合- -


幫你回答，互相解決囉