特首為什麼不肯下台?這場運動如何收科?

點收科﹖樓主咁簡單既問題都要問﹖定係你明知故問﹖佔領行動令社會付出咁大代價，就梗係示威既人離場作為結束先至啱數。特首已好清楚講明，無論佢定特區政府根本無權改變中央既決定，要特首落台與佔領者既要求根本無關，繼續講完全係輸打贏要，完全改變唔到任何事。

2014-10-03 00:08:46 補充：
大文兄駛唔駛咁悲觀﹖你有無睇頭先特首及司長既記者會﹖特首及司長已經同意與學聯討論政改問題，既然雙方肯坐低傾，咁即係完全無晒衝突既誘因，而佔領一方要特首下台既訴求亦明顯無法達成。佔領行動已漸漸引起廣泛民怨，係依家呢個形勢之下，想靠長期佔據交通要道脅迫政府及中央改變初衷既可能性明顯下降，已經可以預期群眾會因為佔領行動愈來愈無前途及對其他無辜市民造成愈來愈不便而漸漸離開。

2014-10-03 00:13:07 補充：
其實支持佔中既朋友唔係一開始就預期結局係咁既咩﹖既然大家一早預左，不如實是求是D，先開放番各個交通樞紐，然後再平心靜氣坐低傾下點樣儘量2017年選舉既民主成份好過。依家整個運動已經愈來愈有離題既跡象。整個運動係為左爭取民主，如果之前既開天殺價根本無可能實現，咁所有持份者依家就要實是求是去傾下點樣落實民主，否則香港只會離民主愈來愈遠。

2014-10-03 00:16:26 補充：
仲有，大文兄請放心，解放軍絕對唔會出動，呢樣野由day 1 開始我就從來無擔心過。中央高層及解放軍已非如25年前一樣咁唔成熟，呢件事實在太小事，與國家安全及香港安全基本上無威脅，根本無出兵既誘因。依家雙方繼續保持和平理性，實在係香港之福。

2014-10-03 09:44:28 補充：
唔知點解大家咁想CY Leung 下台。尋日佢已經非常清楚話比大家聽佢唔會辭職，中央又已明確表達堅定支持佢。除非成件事戲劇性地急轉直下，例如變成大暴亂死左好多人，否則若繼續發展落去，係不了了之，佔領群眾和平散去既機會大好多。另外，唔鐘意某人就叫人下台，呢樣野已證實完全無用。依家群龍無首既係佔領群眾，唔係特區政府，係咁樣既情況下，遲早又係中國人內戰內行鬼打鬼，根住一哄而散。

2014-10-03 23:01:31 補充：
回大文兄，請唔好再針對特首。係人都知，今次落閘既係中央，與特區政府無關，再閙特首只係欺善怕惡既表現。

另外，如上所講，要散好容易，基本上無懸念。依家整個佔據運動，隨著尋日政府平靜及堅決回應，廣大無辜市民怨氣日盛，係犯眾怒又無全民支持既情況下，佔領區既聲勢、人數只會愈來愈弱，愈來愈少，最後只會不了了之，一哄而散。

2014-10-04 11:13:29 補充：
唔會大文兄，唔好意思。香港連警察都無能為力，教育局講兩句就可以星期一復課﹖依家個佔領行動已經係無法無天，完全失控，所有正常公共部門都投鼠忌器，呢件事雖然最終會自己瓦解，但肯定無咁快，未來一、兩個星期會繼續亂，大家要忍耐多一段時間。

2014-10-05 00:36:17 補充：
回意見版既施丹兄。呢兩日警方既表現其實一如所料，已經進退失據，陣腳已亂。當正式執法者不能執法，連最低限度既武力都唔可以運用，甚至運食物入去警察執勤既地方，警車都比人搜既時候，連警察自己既人身安全及權利都已經無法保障，大家仲點期望佢地可以精確無誤地執法﹖依家幾個佔領區已經比無法無天既佔領份子獨裁管治，行緊佢地自己既法律，已非常接近無政府狀態。奉勸大家切勿靠近各個是非之地，否則大家能可否全身而退，實在係未知之數，只能祝願大家萬事大吉，平平安安。

誰繼任，何俊仁???來來去去也是這等人。
民主選舉是甚麼?美國IQ八十幾都可以做總統，香港人最叻係乜?認屎認屁!!!
全無法治可言，以脅持民生作籌碼。
這場運動如何收科?
他們旺角流血也不怕，是否要見死人先知驚???
一群無頭無腦的人，我也懶得去教。
還有一個陳日君，連他收了蘋果黎去買一個樞機主教也記不清......
大統領???我IQ180，也不相信此等民主就是好.......
人民廣場是人民的，學民思潮就有權去接管，香港的外匯基金三千多億美元也是人民的，去接管它罷，然後說香港GDP提升了多少才說罷。
民主以後的承諾也沒法說清楚........
這場運動如何收科????死一個人先知驚????
一群無頭無腦的人，死又有何哀??
可幸我沒有一支槍，如果我有，就是柴玲這些鼠輩天安門血流成河了。
慌言說盡的民選就是好!!!!!
兩個字:低能。
筆者註:揚名慾使之然，一群無頭無腦的人。

不過都想在這向STEVENTTW20大師發問：

昨日(3/10)有大量自稱反佔中之人士到集會地點搗亂並有嚴重衝突，而且論暴力程度更相比9月28日表示佔中開始的示威者更甚且更有, 織，亦有指有部份人亦有黑社會背景。但為何警方對於28日時的示威者即施放催淚彈，警方又指旨在驅散群眾，又拘捕示威者；但昨日明知更混亂卻不單不放催淚彈，而且對於施襲者卻不積極，不免使人有警方偏幫之嫌。於這件事，不知大師有何觀感?

小辣椒正百痴!!!!!!

特首為什麼耍下台?
下台應該係佔中三傻

我估而家係雙方(中共及市民)鬥智既第一階段,鬥力就短期內唔會出現,咁特首既角色,應該只係雙方既棋,譬如大陸支持特首,市民強硬要求佢落台,大家維持一段時,如果大陸肯炒人,呢個就係關鍵位,令雙方都有得落台,然後再傾.

我估最後都係郁人收科,政改就郁唔到.

2014-10-02 17:50:43 補充：
特首下唔下台,佢係冇得選擇,因為權力本身就來自中央,我認為就算下台,亦只係一個交換條件,同應唔應該下台係冇關係,而且政治唔係計數,從來都只係權衡輕重,否則就冇棄車保師呢樣野,隻車都唔一定要錯先要死.

而家撐特首愈勁,下台可能性愈大,因為焦點改變左,呢個可能只係大陸既技術運作,唔好忘記,老董腳痛前一個月,中聯辦都係力撐,原理上,cy要照顧女兒,同腳痛一樣,都係可以好突然.

2014-10-02 17:54:22 補充：
而家最想政改原地踏步一定係cy,因為就算17年中央派人選,包括埋佢,市民寧願選另一個都唔會選佢,但政改唔過,連任機會好大,因為老細只係得一個,佢同意就做得.

2014-10-02 22:39:45 補充：
STEVENTTE20,你講果樣野就正係目前既問題,政府係冇可能完全答應所有訴求,特別係政改,分毫不能動,唔郁住都仲可以,但要公民提名就有難度.

但政府完全冇表示,D人又係一定唔散,出解放軍又點呢?如果係有死傷,美國出手就有理由,呢樣大陸亦係唔想,假設由此引起既經濟問題,首衝係股市,假設H股大跌,凡有股票抵押比銀行既上市公司必受追CALL,然後就郁到實體經濟,呢種情況必然燒番上大陸.

咁政府讓步似乎係必然,讓幾多先恰到好處就耐人尋味,基本上郁人就最大快人心,又影響最細,因為人只係負責執行而非決定.

呢個係對局勢而言,而唔係針對特首個人而言,呢個人材料有限一早都知,我長期都係冇抱過希望.

2014-10-02 22:42:50 補充：
白痴在就算三傻話唔玩,唔通D人就會走咩.

實際情況係,而家集會D人都叫佢地收工,咪左住哂.

2014-10-03 00:42:06 補充：
再回STEVENTTE20,

岩岩都睇左新聞,首先我係同你一樣,認為出解放軍既機會好低,我係另外一條問題答左,唔長氣勒,咁CY係咪要收工呢?應該只係時間問題,原因係佔中問題仍未明朗,呢隻獲唔該佢孭埋落去,咁我估大陸會將好野交比林鄭去做,衰野就等CY頂住先,直到談判開始有所謂成果,配合埋炒佢就件事好辦,咁當然唔係炒啦,梗有一個好理由.

之後林鄭接手,政改幾乎通行無阻,之後直至2047都唔需要再煩呢樣野.

2014-10-03 00:42:14 補充：
但實際上政改係點,無咩人會夠條件去理解,視乎市場上係由邊個去解讀,講真,去到憲法既層次,冇番幾廿年既造詣,都唔可能明白細節,但真正明白既人,亦未必肯出黎講解,因為去講一D大家都未必明既野,係自己搵黎衰,亦所以先有政治明星呢個崗位.

PS:葉劉係電視話,特首係現階段係不適合辭職,我特別留意"現階段"呢3個字,佢應該係放緊風.

2014-10-03 14:39:58 補充：
三回STEVENTTE20,

cy下台,基本上係發洩,譬如我比香港人走埋去,一人打佢一巴,估計都過百萬人會去,但打完咁又點呢?實際上亦唔會捱到咁多巴已經死左.所以問題唔單在於cy,而係在於制度的選擇.

咁cy要唔要落台,我仍然維持身不由己呢個睇法,短期內亦應該唔會.

而家問題係點散水???講真,我考慮過每人派500蚊超市禮卷,但到時我又出埋去拎,咁咪仲多左人???

2014-10-04 00:13:33 補充：
請唔好再屈我針對特首,我冇話過要佢下台,我只係從局勢去睇佢會唔會下台,假如下台又有咩作用.

講番散水問題,你話大陸會唔會接受政府咩都唔做,等佢地自己散???

限你3日內解決,教育局都講左希望星期一復課,你聽得明掛?