在便利商店打工 被經理誣告我偷竊 教壞員工 監守自盜

事情是這樣的 一筆布咁長 希望有心人能幫下我 比D建議我

我在便利店工作剛剛2個月，有一天上班的時候叫我進後房，經理說公司GM在例行抽查CCTV看帶的時候，看見我有一些非常可疑的行為，希望比個解釋的機會給我。但其實經理本身已有先入為主的有色眼鏡去對待此事。

可疑的行為有三項，包括:

1. 在收銀台時，無比錢食薯片(價值$3.5)，只過機沒有給錢，就關收銀櫃。
情況: 當時番中班，因上班前無食野，極為肚餓，而且經理出左去食野，得我一個在店內，不能進後房拿錢，於是打算先食後付錢，才有此舉動。之後因為可能當天得我一個工作非常忙碌，所以忘記付款。睇番CCTV亦顯示我真係有呢個行為而之後沒有比番錢，構成監守自盜的罪名。

2. 食完飯後自己拎汽水飲($8.2) 跟經理說支野飲買左，之後過錯機取消番。
情況: 當時食飯，因口乾想飲野，於是去雪房拎野飲，因為之前(3支$17.9)，早已買左幾支，所以心覺得飲是理所當然，後房出來的時候又有跟經理說比左錢。之後睇番CCTV亦顯示我真係只係不小心過左機。但無法值實我之前買左，因為無KEEP收據，我都深信老闆會相信員工既操守，可惜是相反，覺得我是偷飲無比錢。

3. 跟同事閒談時講左一些可能導致損害公司利益的說話
情況: 當時在收銀台工作，很開心跟同事閒談，大家突然傾到雜誌有特別版杯送，我的同事覺得很漂亮，很想要，但因為特別版書比較昂貴，而同事對本書無興趣，只喜歡贈品。之後我跟同事說，您可以先買左本特別版，拿走贈品，把原來的書夜回架上賣，可以扣回書本的本金，可以更平價錢買到。當時我只是講笑的形式同同事閒。【同事問D書本數目咪會錯左】，我又得意忘形得制，講左句大錯特錯的說話就係【關你咩事姐。】從而覺得我是個教壞員工的行為。

呢3件事加埋，令經理覺得我是一個不可信任的人，而且手腳唔乾淨，亦因為是公司GM睇CCTV發現的，並不是經理本人，我亦無可能從和解及辭職去消除此煩惱。這時我心想已經有可能會面對莣上官非的問題，此事令我非常困擾。我亦嘗試聯絡經理，但始終得不到他的回覆及會否有什麼行動，例如辭職，炒左你，要你賠，告你等等...
雖然而家未知係咪會報警鬧上法庭，但此事已經影響我日常生活。

問題1:
如果面臨莣上官非問題，我是否觸犯了刑事罪行，嚴重會留案底?
因為我家境清貧，辛苦地半工讀地讀上大學，有案底會影響我一生前途。

問題2:
公司會因為果幾蚊無心之失而鬧上法庭的機會高不高?
因為係總公司發現，並不是店鋪經理發現，追究起來我是無可奈可的。

問題3:
全部證據都對我非常不利，足以令人覺得我不可信，我應該怎面對?
因為經理本來都對我有有色眼鏡，我解釋完佢只係覺得多疑少信。

問題4:
己經第3日，我心情非常低落，詢問經理亦沒有得到任何回覆，此時我應該怎樣做?
因為我有編更，但我問佢洗唔洗番又無覆我，問佢係咪炒左我又無覆我。

問題5:
通常呢個情況，件事應該會點樣處理? 有無經理/律師朋友，可以解答/幫到我?
因為我未經歷過呢D事，社會太黑暗同向錢看，希望有正義之人能幫到我。

感謝萬分！感謝哂有心人辛苦地看完整編文章！希望有人解答到我喇！