點解長輩認為男仔搵女朋友應該搵細自己5年女仔呢？

我係男仔(而家廿幾歲)，喺日常生活入面試過幾次同啲女性長輩交談時談及將來搵咩女仔好，佢哋好多時都建議我最好揾細過自己4-5年左右嘅女仔，其實點解好多auntie都覺得男仔如果要搵女朋友嘅話，對方細自己5年左右會係比較理想呢？ 聴過有auntie話細6-7年都唔緊要添，不過如果揀女朋友，相差5年對於依家呢一刻嘅我嚟講我其實係麻麻地buy，因為我覺得細過我5年嘅女仔成長背景、人生閲歷同生活年代都應該同我有出入，我覺得如果女朋友係90後女仔，我估我應該有較大可能會同佢有代溝或者唔夾，所以我自己本身覺得90後女仔應該唔啱我 (我本身現年25歳，係80後)
我本身未試過同人拍拖，亦從未搵過女朋友，不過我估我應該唔會考慮(或者至少呢一刻嘅我)90後女仔做我女朋友，因為我覺得大家唔係同一個年代嘅人，不過唔明同唔知點解好多上一代長輩都suggest我搵細自己5年左右嘅女仔，相差5年唔係會有代溝嘅風險出現咩？ 我係80後，細過我嘅女仔係90後，大家都唔係同一個年代嘅人，文化、價值觀、知識領域等方面都有出入，所以我覺得90後女仔唔啱我，遲啲如果搵女朋友/老婆都唔希望考慮90後女仔。

其實揾女朋友，彼此年紀有冇話應該相若多少才是較理想的？