請問如何cut有線呢？

CUT有線方法有幾個, 包括電話、傳真、郵寄、網站，亦可以親身到各間有線專門店辦理。

第1: 要先知道你張約幾時到期(如唔清楚, 可打電話查詢, 直接飛去step 1), 因為你只能夠係合約到期前60日終止, 如我6月1日到期, 我可終止時間為4月1日後。

第2: fax機一部, 如無, 請落樓搵文具店, 抄抵號碼, 代你收取(我樓下收2蚊)

第3: 最好要登記本人打去, 因會不停check個人資料, 如唔係登記本人, 請記熟所有登記人資料(包括:姓名, 英文姓名串法, 地址, 手提, 屋企電話, id no.)

step 1:有線服務既電話21128899打通後會有極多廢話, 唔洗理依照下列方式打 (唔好禁太快)

1
1
1
1 (要輸入登記人既家用電話號碼)

然後按#34 (收聽合約到期日)

依指示按客戶服務主任

step2到戲肉後, 會有人聽你電話,請唔好忍唔住狂@@@@@, 因人地都係打份工, 唔需要@@@@@人地老母

根據我打左超過十次去既經驗, 發現佢地有一套守則就係

第1 你一定要提供終止原因(否則會不停問, 落唔到下個step是但up一個, 我就話我係移民

第2 佢一定會狂sell你用有線電視etc, 狂講優惠請你比佢講曬所有既優惠一次因我估計 佢地講唔曬係不能夠幫你做終止的, 無論你用唔用, 都一定要聽佢講完

之後你話要佢fax份form比你, 比fax號碼佢, 完成!

大約數小時後會收到表格, 填好後影印多2份, 即total 3張, 將佢地頭尾用膠紙黏好, 變成一張過開fax機send去有線, 當第一張過左部fax機之後即刻再用膠紙將第一張頭同第三張尾黏好, 形成一個圈,
最後你應該好快收到有線電話確認收到

大約兩至三日便會收到終止確認信了。

你想問用咩嘢工具?




…………………………

我年頭試過，無困難，有講有笑，超快完成
我用左有線大概十年，投訴過過百次，今年年頭打算 cut
所以早三個月打去同佢傾
好聲好氣咁話，唔好意思，因為我要移民，所以黎緊唔會再續約啦
麻煩佢 email 張 form 俾我，結果即日就收到張 form
email 返去既時候佢有封 auto mail 寄俾我話收到
再過多兩個星期就收到信，隨時可以落舖還 router

我覺得最緊要係對佢地有禮貎，佢地日日都俾人鬧
你好聲好氣佢就對你好 d 囉