好驚同人傾電話

見你咁樣其實都幾辛苦......
搵工好難避免同人講電話, 無論係你打去搵人或者人地搵你。
我唔知你怕o既程度係點，但有兩個方法你覺得可行的話可以試下。

1. 講慢D。有時候, 個腦轉得唔夠快, 講野會講到一舊舊。講慢D可以纾緩呢個情況。

2. 打電話之前, 可以寫低你想問咩同講咩先。例如: 返工時間/人工/面試日期/要帶甚麼去面試/對方聯絡電話/對方貴姓等等。咁樣做可以避免你講電話時個腦一片空白。

但我見你咁迴避去講電話, 我估你對"講電話"呢樣野有畏懼, 講得唔好驚有影響? 如果係咁o既, 上面建議未必岩你, 要深入傾多d先知點樣幫到你。如果你想搵人傾, 可以搵pm我或者在facebook搵我, 搵工方面都可以同我傾下, 睇下點樣可以幫到你

Facebook: [email protected] (BGCA Ming)

You can try to talk on the phone, be confident! I understand what you feel. Just try to pick up your phone. Or maybe that is an urgent from your mom or friend.

你可以試下問自己...
打電話最怕什麼?

1) 怕俾人鬧?
2) 怕講錯野?
3) 怕留下壞印象?

有時同陌生人講電話, 一定會有少少不安
因為完全唔識對方, 唔會知對方有咩回應...
不過我地成長都要學習去面對佢地~
你可以諗清楚...其實佢地點回應你都好, 係佢地既選擇~
只要你有禮貌, 盡力而為, 就問心無愧了~!

搵工電話通常都要打~
不過工作性質係咪一定要揀cold call?
你會唔會可以揀第2 D工作???
另外, 會唔會搵工之前都試下令自己大膽D??

你可以搜尋「青年就業起點」~ 搵佢地幫手~
佢地可以提供「模擬面試」, 等你試試練習見工~
有準備既情況下, 就會冇咁驚~

最後...其實每個人都有試過「錯」
錯係比機會我地做得更好~
唔好太在意自己做得好唔好...
你都一定有自己優點~~比D信心自己!!
加油~祝福你~

我都好怕同人講電話
明明平時面對面時都好地地,但唔知點解一隔住個電話就怪怪地
所以我之前係等佢CUT線之後等一陣再whatsapp佢....
但宜加就括出去,深呼吸1.2.3.就聽。
其實要試,試得多就冇咁驚。而且聽完之後成個人鬆曬。
咁你搵工,好多都要打電話架啦,你要唔洗打電話既話就可能要搵D現場面試個D
你想做咩行業?你要份工唔洗打電話可能要餐飲業個D,即係侍應個D。
你加油啦!拎多D勇氣出黎!相信自己一定得!

你係怕生

我明白你的,而家我都係雙失,要打比個負責人而且要同佢傾,真係好怕,個心理陰影真係好大,而且你又未必會打得通。

你係門面問,唔好搵d call客就得,如cool call,接待

傾電話，不等同講電話，你要分開，講電話係有因有由，有事有幹，傾電話係吹水廢話，不喜可收線，但不至於要怕。