我智商屬於資優 但係...

我情況同你一模一樣，都係資優（check過好多次都係145左右）
我今年都係F.5，同你一樣都系咁依賴智商+hea左4年，成績每況愈下...到做最後（姐系今年）已經唔多記得以前點樣溫書...
唯一唔同嘅系，可能因為我系讀band1，D競爭越黎越大，所以排名都系尾1尾2
而我大概比你早兩個月意就識到要追番上去。（因為我覺得以我能力，我幾時開始讀書都無問題，只要唔好太遲）

唔系擔心咁多，如果你智商真係好似我咁高，完全無問題，唯一嘅障礙系，唔好比自己藉口懶，一懶就前功盡廢。
我心態系，千其唔好灰心，時刻冷靜，保持理智。（針對學業）

客觀分析，你得翻一年多3個月嘅時間左右，時間比較趕，所以盡量都唔好比自己藉口懶，挨埋佢囖。學校入面都唔好安排咁多課外活動，省落嘅時間都放去讀下書

至於我嘅策略：
我plan左個時間表，但我嘅時間表唔系for我去follow，而系比我預算時間。嘗試盡量為自己壓縮其餘活動for你去溫習，你會好訝異咁發現每日時間都係4~5個鐘頭溫習。（如果你唔hea嘅，D時間應該都會剛剛好夠用）

因為主科一定要及格，要考大學嘅都要預算有17分（保險）以上，唔好以為3322就過到，高智商嘅人絕對唔會允許自己出事，最好培養個心態：一件事要唸埋之後幾部可能會發生嘅事，所以你都識計數，每科主科攤開都應該要有4以上。
所以，我會盡可能系數學拉分，我預期自己會有5**，一科就7分，好划算咖。
中文係咪無得溫？又唔系嘅，我會建議你買本文言文書，最好有語譯，每日睇一篇，唔好因為你覺得花太多時間就灰心，因為你會越睇越快。
（另外講一下，累積嘅力量真係好大！）
英文呢，我個人會睇new sherlock嘅電視連續集，點解？因為DSE會考埋你oral，listening，聽得多先可以應付日後聆聽，而且會有好多好正嘅道地英語，唔識嘅繩字就記第佢，我會重複睇咖，當然要預番D時間，唔好太多，我食飯都會開住明珠台。另外我都有一套sherlock holmes嘅英文小說，你可以試下，如果你依咖去商務買，都係132港幣，好抵。

因為功課系一個障礙，所以我會系學校小息KO佢地，番到屋企專心溫書。
我曾經唸過不如今年自修啦（但學校老師嫌我成績唔好，唔比囖= =）

主要黎講，數學同你嘅副科最好就5~5**啦，但係保障黎講，我一定會令自己數學同phy5**，然後主科只要3以上。（中文嘅DSE真係唔多難，搞好文言文會好著數）
我都會問下D比較高雅嘅用字，好似英文咁，I know him 去取代 I saw him before.
although雖然好長咁，但係用despite就唔同嗮，雖然一樣意思。中文都係一樣。

操下卷囖，最好有比分準則嘅練習，等你有個預算佢DSE會點樣比分。
系咁咖喇。

因為我唔多清楚你個底系點，同埋你依咖先發覺...
我自己早前會去公園同D象棋高手（啊伯）捉棋，培養凡事唸多幾部嘅心態，鍛煉腦筋
而且我會去圖書館借幾本幾可靠嘅 有關 如何速度嘅書籍，會令我系後期K書事半功倍，但係你遲左問啦，我就唔多建議你咁做，但你都可以訓教之前睇，因為我都有一段時間專研心理學，知道潛意識嘅強大，你要好好利用。

最後，如果你有唔清楚嘅，可以聯絡我嘅，email我比個電話我啦。

2014-09-24 20:21:12 補充：
前面講嘅17分系only for主科
附加參考網站
http://waknow.com/?cat=7

首先，你智商雖然係資優，但唔代表你係唔洗點溫書就有好成績
因為你連學習都唔去學，你又點知你自己其實係咪識運用課本上教過既野?

第二，你太依賴你智商係資優依樣野，你要忘記你係資優，你要知道，冇一個成功既人係唔洗付出努力

第三，好啦...其實我有小小唔鍾意D人咁依賴天份唔去努力....

最後，溫習方法你可以先試下死記，睇下有冇效，唔得既就搵補習老師幫忙

如果你話你考試前1星期溫下書就拎到頭十既
咁你而家中五，你中六先考DSE，仲有成年時間比你慢慢溫，只要你唔好溫溫下放棄既話，你應該拎到好成績既

你話你係資優，應該唔使讀，如果你自己都唔係好信，咁就忘記佢，由頭嚟過。