牡丹鸚鵡(情侶鸚鵡)好驚我

有D雀係會怕人,有D就唔會,你買佢地之前係咪都係咁驚人?

我隻大白,佢買之前已經肯上我手臂,之後佢返到屋企所有人都唔驚,係驚某D物件而已;我爸之前養隻雀,養左幾年都好驚人,一行埋去會大叫同縮,想摸佢佢會避開而亂飛,摸都摸唔到佢,甚至驚到會好用力咁咬人,但對住我隻大白又好CLOSE同NICE,仲好怕羞咁。雀不一定會飛走,但一定要剪羽毛。對翼有分主羽及次級羽毛,要剪主羽,剪到與次級羽毛一樣齊,佢地就唔會飛走,羽毛會脫落及增長,所以你要定時望下佢,有D雀會定定地比你剪,有D會掙扎,所以剪時要快手些。

佢地咁驚人既話,你可以帶多D佢地出去公園,D阿伯成日去放雀既地方,接觸多D人,吸下新鮮空氣同曬下太陽。你可以放佢地出黎,但要剪左羽毛同關左門及窗先。有時要同佢地多D交流,如同佢地講早晨(如果佢地識講野,更加要同佢地講多D)。

佢地要沖涼,但冬天或凍既天氣不宜,有D會自己沖,有D要你幫佢,最好唔好洗佢地個頭。暖既天氣約一個月洗兩次,。我係用花曬貼住佢個身體幫佢慢慢洗,開暖水幫佢沖,頭部就整溼隻手幫佢輕輕洗洗,只可暖水洗,唔洗加其他野落去,佢地自己會用咀梳毛。(用盆都試過,但佢地會驚,想飛離個盆,而且有機會會浸死佢地) 洗完之後有D會自己乾,有D要幫佢吹乾。

我爸之前果隻就用飲水的容器自己洗,有時爸幫佢洗,係籠度自己乾;大白就要我幫佢洗,幫佢吹乾,否則會感冒。

佢地起初怕陌生，當然會宿埋一角。你的是一對，佢地有伴，兩隻小寶多數是貼到實，唔願同你玩，比D耐性，多D同佢哋傾計，用D食物引下佢地。
去下面的網址睇下，好多養雀心得睇，甚至是一些對雀鳥的基本家居安全。
http://forum.parrot-tree.com/

2014-09-18 16:12:56 補充：
去下面的網址睇下上手訓練&新鳥回家照顧及處理:
http://theconurehandbook.blogspot.hk/search/label/%E5%88%9D%E5%88%B0%E8%B2%B4%E5%A2%83

:-)