中三 選科 求經驗

首先，phy chem bio三科係理科，專業用詞會有一大堆既，可能你會睇唔明D題目......(實不相瞞，我讀chem既，英文都唔係好好。有時會睇唔明D題目，不過你唔識一次，失分，之後搵人問番印象就會深刻，以後都會睇得明架喇)英文唔係太好既讀理科既都唔錯，因為佢完全唔理你Grammar對與否，你寫既現象係啱既就得喇，又或者寫到重點詞就有分(我試過答一題:what is the used of calcium chlorine?我答:to let the place be dry.都比曬分)同埋要注意，bio既專業用詞最長，chem好多時都可以用化學符號寫野，少記好多字，例如calcium chlorine可以寫成CaCl2。

另一個問題，好橋，我修中史既......我知我讀chem中史有D奇怪......

中史絕對比理科難好多倍，因為理科只需要做兩件事:背、計數。但係中史除左背之外仲要考你個人對某件事既分析同睇法，你背左既野都要識用番出黎，但係如果你分析錯左，你背幾多野都冇用。

其實中學選科同出黎做野冇直接關係，直接關係到你做野既係你大學讀咩系。你中學選修科最主要係喺DSE考好佢，然後攞大學入場券。當然，如果你中學冇讀phy chem bio，入大學就唔可以讀理科既學系，而其他學系就冇限制既。
若果入大學真係讀歷史系，我都有諗過弟日可以做咩既，對我尼個幾鍾意中史既人黎講都算唔錯既工，就係博物館同考古~~

你睇既大學收生計分法應該係某系(疑似理系)既計分法，因為每一系既計分法都唔同，你諗下，又唔係個個人都會讀phy chem bio，有咩可能入大學一定要計phy chem bio既分?

DSE點先拎12345 5* 5**?
其實科科每份卷計分方法都有少少唔同，但係大概係咁:
攞1:40分以下。(唔合格)
攞2:40分以上。
攞3:50分以上。
攞4:60分以上。
攞5:70分以上。
5* :80分以上。
5** :90分以上。

希望幫到你啦~祝你選到心儀既科目~另外，讀書加油:)

2014-09-12 22:10:49 補充：
漏左econ......
econ都係有一堆專業用詞，大概都係一般人睇唔明，但係你讀得耐自然會識。但係有時候題目會講D現象，可能會有比較難既字。
仲有，每一科既專業用詞都係讀得耐自然會識既。唔好太擔心D專業用詞~