請問飲食業入面既廚房職位術語叫咩名同做D咩??

開邊(砧板線) ：選購食材，切菜、切肉工作，某程度決定了食肄的盈利高低；

埋邊(爐頭線)：鑊鏟工作，負責炒菜，出品的好壞負全責；

水台：劏魚、劏蟹等工作；

2砧 、3砧 ：執單、醃食材、切料頭、頂水台(工作大同小異，只是資歷上的分別)；


上什：專門負責蒸製各類菜式，如米飯，蒸排骨，蒸魚等；還要負責發魚翅、鮑魚、海參等工作；


打荷：負責菜肴烹製前傳遞和烹製後的美化工作，按上菜和出菜順序及時傳送切配，配合爐灶師傅出菜，保證菜肴整潔美觀。

請問除左砧板, 打荷,爐頭, 上什同水枱, 咁埋鑊係做咩的呢?

如沒記錯...有分七大 : 爐頭~砧板~上什~燒臘~點心~打荷~水台(其餘就好似叫蒸鍋)

一般餐廳除樓面侍應收銀,就分

水吧 = 指飲野(如茶餐廳沖奶茶,整蛋治嗰啲,通常做早餐下午茶)
廚房 = 據說獨立為政,有大廚一套,而如酒家有點心師父,燒味部,煮海鮮,鮑蓼翅肚,午市例湯,總廚,大廚,二廚,後鑊,中西甜點,洗切煮...等,分工仔細(西餐冇咁複雜),但聞說家陣就一腳踢

∥一鑊∥喜宴菜餚難道高(十幾年大師父功夫) ∥二鑊∥炒晚市小菜 ∥三鑊∥ 炒午市粉麵飯

∥上什∥高級學徙 ∥打什∥乜都要學做 ∥打貓∥廚房內偷食

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

執碼 = 客人落order到廚房,啲細睇單執料,執齊所須食材交俾大廚師父炒)

打河 = 企炒鍋大廚旁,幫手遞汁醬油上碟抺汗,每日負責處理炒鍋開收檔,點下調味料要否添加,去庫房攞貨,睇食材有冇缺報返訂貨,同樓面溝通,客人有冇特別落單要求同廚交代,簡單說,助手/秘書咁

水臺 = 砧板,中西餐各不同,大細高低級數,
3 砧 = 頂水檯,執單,切料頭,醃野,改生口
2 砧 = 執單,醃野,改生口
頭砧 = 周圍幫,落貨執單改生口等
一般西餐廳只分頭尾
尾砧 = 下難野,切肉切蔥,睇你刀功
頭砧 = 海鮮貴價貨

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

總結,最低做起,過程大概如下,須時多久因人而異,機會際遇天資......
step 1 : 先做打什,熟習樓面落單基本,再到水吧煎蛋治沖奶茶
step 2 : 走入廚房,學菜式執碼>再練刀功>當做到管理食材洗爐頭助手,下步都應埋鑊
step 3 : 當然亦要跟上面後鑊,二廚,大廚逐級上,終極目標總廚or做老闆

只知咁多,其他唔清楚,因未做過,希望幫到你