我男，糾結感情問題（最好女性入）

個問題收收埋埋好耐咖喇，但越唸越怪，所以想請教一下女仔們...
我(F.5)中意左個女仔好耐（6年），自小學升中後唔同學校。
佢成績越黎越好，我越黎越差（雖然成績同愛情扯唔上咩關係，但係我都講埋啦...)
頭4年仲有講有笑嘅..我地都feel到對方對自己有feel，然後F.3果年，我同佢表白，佢都無點表態，又無拒絕...
補充：佢系超內向，我雖然中意佢，但係好多時都唔知佢唸咩，因為佢成日都收收埋埋自己...
我地每日都會坐mini-bus返學，有時撞倒，佢會主動走過黎坐我隔離（巴士仲有其他位），但係又唔點講野wo...（當時我已經同佢過表白）
之後一年都係咁過...我依然唔知佢唸咩...但係我唸，我都表左白，佢又唔抗拒，每次都坐我隔離...究竟系點唸...?
為左搞清楚我地關係，我F.4果年問佢，我地究竟系咩關係，然後佢答：朋友咯
然後我再講我一向嘅唸法講比佢聽，佢就話：你唔系講好左大學之後先發展咖咩？（我都唔記得我講過）
我就算數喇...
到左F.4期末，經過一段時間嘅心理鬥爭，我whatsapp佢，問：Do you like me?
然後佢話like，但我唸左一陣，佢會唔會搞錯左like 同love意思，因為朋友都可以系like...
最後都係唔想逼得佢太緊，無再問...
最後一次，我私人設計左個撲克魔術...（過程省略），趁住巴士上那十幾分鐘的有限時間，我show個魔術比佢睇。最後系，我變走左2張牌，然後佢系自己個袋度揾番2張變走左嘅牌。然後我叫佢讀出牌上嘅字，一張系紅心一，寫著I （紅心） U
另一張寫住：Can you be my gridfriend? （因為張牌比佢要求留住紀念之類的，所以唔多記得，大致上系咁啦）
佢個樣睇落好驚訝同開心，講左句“多謝你”就剛剛到站喇...
問題系，之後我地都係keep住好似以往咁，但系佢多左次數唔系坐我隔離，令我覺得好奇怪，但我肯定佢見到我。
數落，我地都有成個半月無點講野...我又唔知佢唸咩，我又擔心如果我再走去問佢佢會覺得我煩，所以我私底下想問一下女生們，如果你地系佢，你點樣唸？（畢竟女仔同性唸野嘅想法相似）