做人好辛苦.~~想死

其實做人真係好辛苦..堅既!要怪就怪你老豆老母明知無錢都要生你出黎受苦!我都好撚憎呢D父母,完全唔諗下你既感受就生左你出黎!.!不過唔知你有無呢個膽!我就無啦~所以你都係比心機做人算啦~_~

呢個世界原來好似我甘樣既人大把, 我可以點, 做人好辛苦, 死又5敢, 日日係甘做5知為咩生存, 上網查做人好辛苦居然搵到有人留言, 大家努力吧~

最重要係嘗試發掘一項自己的興趣（例如：打籃球，沖咖啡，電腦軟件使用），然後加以發展，變成自己的長處，到時你就會有返自信，身邊人都會比較想接近你，因為你係果方面的小小專家

超簡單，只要你一想死，就想：你而家只系俾負面既野蒙蔽住，其實冇野發生過。

你而家既思想好負面,積極正面D啦!加油!

你而家係未有人生目標,人地係點係人地既事,佢地無聊笑你咪由得佢地笑,你唔好理咁多,做返自己應做既事。

你讀書唔得咪試下發掘自己既興趣,再貢獻社會。

靠唔到父母咪靠自己,尋死都解決唔到問題。

每個人都唔一樣, 當日你揀咗一條路, 都已經行咗, 係無得後悔, 亦無得返轉頭.
起點唔好, 並不一定終點唔好, 要看閣下如何扭轉.
一個人最重要面對自己既過去, 好或壞, 正視問題, 才可以改變.
一個人既價值, 並不是取決定於他既現在所有擁有, 我覺得你唔需要理其他人既想法.

如果你真係明白, 你當天放棄讀書, 係一個錯誤既決定, 你真係覺得自己係唔足夠, 你就應該明白, 你點解要入VTC, 係想改變, 唔想繼續錯落去, 所以你係VTC既目標, 係把書本讀好, 拎一個好既成績, 讓你自己有一個好階梯向上走. 而唔係你返學開唔開心.

當然你依然係學院讀書, 第二個目標, 就是學與人相處, 如何與不同人建立關係, 與人合作, 等... 你讀書個陣唔學, 工作既日子, 就只會係踫壁.

我留意到你啲朋友已經係中六, 即係其實你都差不多十八, 係唔係?
你其實已經係有自己既責任, 你都係一個男人, 不再是小朋友, 唔好只係埋怨, 去為自己既人生負一點責任, 有一點承擔. 諗一諗, 未來點樣生活.
你都可以做少少part-time, 想少少辦法留一點私己錢為有需要既時候打算, 放入銀行. 就算你父母係點樣既人, 你都可以去做一些微妙既改變.

你地這一代, 最不幸, 係太依賴互聯網既世界來溝通和生活.
朋友係要係真實世界, 一齊去分享, 一齊去經歷, 互相幫忙, 才可以一成長...

你悶又唔開心, 我覺得你約埋好朋友一齊去參加義工. 當你放眼世界, 唔好再把焦點放係自己身上, 望一望呢個世界, 有多人比你不幸, 但一樣快樂, 你幫佢地既需要, 佢地便會讓你知道, 快樂並不是取決你有多少.

你其實可以去現實世界識正面思想既朋友, 去你附近青少年中心, 教會, 佛堂.. 問題在於你願不願走出去.