點樣可以確認男朋友係咪鍾意我？

其實鍾意可以好抽象~而佢所講「唔清楚」
可能係佢唔抗拒你, 但唔清楚自己對你的係愛情, 定感情~

你可以留意下佢平時會唔會好緊張你? 成日想見你? 掛住你? 願意花心思及時間在你身上?
正如你鍾意佢, 都會勇敢去表白咁。

不過每一個人表達「愛」的方式都唔同,
正如父母會「囉唆」去說教子女, 其實都係愛的表現,
所以你都可以睇多d佢有冇為你做d咩, 或者都關心你~

其實兩個人一齊最重要係開心, 如果你真係頂唔順~
都唔好勉強自己~ 如果你發現佢真係鍾意你,
就繼續好好溝通~讓大家多d機會了解喇!

重點係... 佢中意你, 同唔中意你又點? 你係唔係會分手先.

唔係既話, 何需介意, 倒不如讓佢中意你多點囉. 另佢自動成日記掛你.

男人要面子要尊嚴, 大事由佢話事, 係佢朋友前要留幾分面子.
男人無心管小事, 你幫佢處理小事.
看官既喜好, 間唔中俾驚喜.
男人要有自己空間, 你唔好佔有所有時間, 小別勝新婚.

重質不重量.

與其係度諗你男友係唔係鍾意你, 不如做多D 野令佢唔可以冇左你仲好拉, 有時試試下試出禍仲衰, ge 然佢肯嘗試同你一齊, 你就已經有機會拉

你可以用肉眼睇到的。

1.佢會好主動關心你,好在乎你,尊重你
如會主動約你,即一日不見如隔三秋,一星期一定會抽時間同你見面,食飯、行街、睇戲...不過後者比較少。見你打電話黎,即使未必即時覆到你又或者冇電,但佢之後一定會whatsapp或回電比你,唔洗你擔心佢。約會時間同地點會主動同你講,你不滿約會時間同地點佢會就你(當然要合理)。多數會送你回家(唔係次次),回家前佢會要求你向佢報平安,即使佢已送到你屋企樓下,佢都會要求你咁做,因佢緊張你。佢唔太like同你whatsapp(死板),又唔太like同你傾電話(聽到你把聲已好有衝動想見你,而且係電話上語調比較平板,不吸引),寧願同你見面,至少可以聽到你把聲,你見到佢笑容都會燦爛些,佢會好冧。間中發夢會夢見你,之後同返你講,你會好冧。

食野會好留意你食咩,之後你講照舊佢都識得同你點餐,當然你唔like既佢都會記得。食野多數佢付錢,不過間中AA制或間中你出錢,你可以主動同佢講"今餐我黎(比錢)"(唔一定餐餐都係佢出,如十餐你比一餐都可以)。

佢唔會係你面前做你唔鐘意既野,如打手機,佢只會全程貼心拖住你,全程保護你,或攬腰或輕輕摸你個頭或無時無刻都想kiss你,間中仲會主動攬住你講"我愛你",有時當你講"我愛你"時,佢會主動攬住你講"我更加愛你!",之後親吻你。總之你同佢一齊時佢一定會全程貼實你,唔會離開你半步(除左去洗手間外)。之前試過係佢面前打手機,佢唔like,會先提醒你,再犯先會發嬲,即唔出聲行快D,唔理你,作無聲抗議。

佢會因好緊張你,你比人差點絆倒佢會怒視對方,如果你整親或病左,佢會好心痛,如果你介意佢某壞習慣佢會好在意,會設法改過(如果係興趣,如運動,應該要支持佢)。

2.不在乎你過去
佢只在乎現在的你是怎樣,即使同佢講過去,佢只當故事咁聽,唔會發問,當然唔好講太多,因已成過去。

3.介意你與其他男人相處
即使你既男同學或男同事或男性朋友接近你,佢都介意,要忌諱。如果你比其他男人纏住,佢會做你既護身符或擋箭排,甚至出面保護你,令對方知難而退,只要你唔背叛佢。當然佢會主動同你交代佢既女性朋友關係,如以前有幾多個女友,點解分手...都會主動講。

4.彼此信任,坦誠相處
一定要互相信任,信得過對方就會尊重佢私隱,如果佢問心無愧,你唔問佢佢都會主動比手機你用。最好大家都要守秘密,因大家都會坦誠相處,否則將來怎樣過活呀? 交談中,大家都一定會有講唔完既話題。有時會互相撒嬌,樂在其中。即使佢平時脾氣差,對住你會變得溫柔,容忍度大增,如果佢忍唔到,會先同你講,唔會向你無理取鬧。

2014-09-10 01:16:48 補充：
不過聽你咁講你好似係一廂情願,佢自己都搞唔清段關係,何來去愛?佢係抱住一試無妨既心態去同你相處,極其量佢係對你有好感而已,你愛佢多過佢愛你,只會辛苦你自己,佢唔願為你付出,而你付出佢又未體會到。

補充一點,情人節(2月14及3月14日)即使佢幾忙一定會同你一齊過,不過送唔送禮物唔係重點,唔好著重於禮物上,所謂"物輕情義重",是否同你一齊過情人節,呢樣先至重要。

點樣可以確認男朋友係咪鍾意我？
幾個因素1) 你有事, 佢會吾會好擔心 /全力幫你解決2) 有冇只系成日常同你SEX , 其他吾理3) 佢有冇計劃對於你地將來事: 如: 儲錢結婚

我個人認為靠自己觀察系最好嘅

1.你可以留意下你地平時一齊嘅時候佢有冇淨系掛住對住部手機
（如果佢真系鐘意你嘅應該連手機都唔會攞出黎 情願望多你兩眼）

2.對你嘅嗜好/你隨口講過嘅野好上心
（會好記住你鐘意同唔鐘意啲乜）

3.平時出街有冇拖實你/攬實你
（男仔如果鐘意你就會有好強嘅佔有慾同埋想保護你）

既然佢都決定得同你一齊應該都系鐘意你架啦 Anyway, 加油啊:)

如果佢係中意你..

佢會特別緊張你:3

會好主動.x.

慢慢試下一齊,可能會有感覺o既;)

愛可以令到人改變,,你試試改變自己,, 看看佢可不可以和你一起改變