我想問中四撰科有咩間

中英數通識四科係必修科。
有咩選修科就要問你學校老師喇，因為間間學校都會有D出入。
一般黎講，香港有三科理科:化學、物理、生物。商科:經濟、BAFs。文科若干:中史、世史、地理、視藝、電腦。仲有:健康管理、旅遊。
而家選科係冇限制既，無論你讀文科商科理科文商科理商科定文理科都係得既。我本人就讀緊文理科。
修咩科就都係你諗下自己鍾意咩科或者中三讀咩科高分啦。不過我可以同你分析一下各科有咩困難。
你想修會計即係BAFs，business accounting and financial studies。尼科冇記錯就係要讀兩樣野，我見我朋友都讀得幾辛苦，所以你另一科最好修容易D既一科。
理科，化學、物理、生物三科理科一般人都叫苦連天，但實際上係最易攞高分既，因為你背曬D野就可以得分，唔似得中史、世史、地理、視藝咁，背完仲要分析理解評論。理科之中生物最多野背，物理最多數計(聽講...因為我係讀化學既)化學呢，要背既野多，亦好多數要計，不過習慣左就好，我上堂都聽得明老師講咩。而且係我學校最多人攞5**既都係化學亦冇人攞過2以下，所以個人認為好易讀，但係我好多同學都成日話難，所以我都唔敢話推薦你讀化學。不過，想攞高分既，最好修理科。
商科喇，經濟我冇咩興趣，不過就聽人講係吹水既。係比懶人讀既~真實性唔知~
文科，好多人認為好多野背。係真既，不過理科同樣多野背，我讀化學就覺得要背既野仲多過中史。但係背野唔係最攞命既~最攞命既係你背曬D野都唔一定攞到高分，建議唔係有興趣既，千其唔好讀。

最後祝你到時選到適合自己讀既科，努力讀書，加油:)

中四學生

中、英、數是必修科,


另外你可以揀修文科、理科或商科

如果你想撰會計,咁就主攻商科啦~~~



....