人生交叉點：擺唔唔擺酒好

一世人一次, 怕後悔.

但後黎再諗, 如果為左個一晚既開心, 將辛辛苦苦儲返黎既廿萬一次過駛哂, 又覺得好似好唔值得咁!

其實擺酒個數係預到架, 因為你請邊個幾多圍，心裡有數，雖然俾左先，最緊要大部份有得收，好彩既會有賺 tim. 如果你 join 全包酒席 就仲易計 budget. 如果計得好，準備得好, 擺酒都可以所費無幾.



不過其實結婚條數最大個筆 係女家酒席/禮金，過大禮. 就算唔擺酒，一樣要俾，right ?



如果搞cocktail , 可能有此情況： 一來人地未必會來 (無得食)，二來也會來去沖沖 (場面氣氛可能會較冷清)，三來多數都沒有人情收 (因為不是擺酒)



決定左擺酒後就開始歡容面對，發覺原來唔擺，會有好多人/好朋友唔開心

唔....擺唔唔擺酒......結婚一定要!如果唔係會後悔.

結婚既野，一生人得一次，如果你經濟能力係好既，咁擺酒都唔錯，可以令長輩係親戚朋友面前有返D面子外，一對新人亦可以藉舉辦婚宴黎更加了解對方既喜好，同時亦有助兩位之間既溝通

當然，如果你話你自己本身經濟能力有限，擺酒會令到自己經濟方面變差既話，咁就唔擺比較好D

始終結婚係你同你伴侶既事，理應由你同你伴侶去決定，其他人都只不過係觀眾，你地先至係主角。

吾一定要以擺酒形式去做:

可以系

1) PARTY
2) 約幾個朋友食反
3) 只系註冊結婚, 吾擺酒

但如果相方家長都想擺 , 可以5-8圍

因佢都要同長輩交代

結婚/ 擺酒吾只系你同伴侶的事

雖然唔知你係男定女,不過無所謂啦,現在一般結婚擺酒主要都係雙方夾錢,希望搞得好好睇睇咁啫!
其實結婚當然係麻煩嘅啦,擺酒或者旅行主要係錢嘅問題啫,如果隨便拿得出一百幾十萬,咪搵d婚姻統籌幫忙搞啦!

至於雙方家長的心態,仔女結婚當然希望公告天下,請埋所有叔伯舅父,姨媽姑姐街坊麻雀腳來飲啦,但佢地有無想到錢駛左訂好酒席亦未必人人好高興來飲呀,你估飲你一餐唔使做人情咩?

一般女仔想到有得結婚就甜上心頭,多多諗頭,如果結婚就頭都大埋,估你都係男仔啦,我認為唔想太麻煩.結婚當日去婚姻註冊處簽名之後,當晚只係男女家長及至親食餐飯就ok啦,加埋自己親兄弟姊妹最多都係兩三席,如果屋企要拜祖先咪早一日拜啦好簡單啫!

唔理你點懶點怕麻煩都好,結婚又好難嫌麻煩乜都唔理喎,只要你將以上d野同四大長老傾傾,或者佢地都讚成嘅,你估佢地又唔怕麻煩咩!
食完餐飯跟住咪可以放心去度蜜月旅行,等旅行返來慢慢先搵日約其他好朋友出來食餐飯,介紹老公老婆俾大家認識就得囉!