網上交易詐騙

呢排唸住買部平板電腦，見到拍賣有間價錢都OK既米唸住買囉，買之前個賣家都仲有問必答既，點知我一入完數，就好似失左蹤咁，講好話入完數兩三日就會收到貨，第二第三日我都有KEEP住問係米今日會收到貨咖啦，點知無回覆，因為隔左個星期六日，所以我到第六日都仍然KEEP住搵個賣家，真係忽然覺得我係米比人厄?最後佢就淨係覆我一句話''稍等，幫你查一下''，之後又失蹤了，到下午我就EMAIL(因為完全無賣家任何資料，只有EMAIL)賣家話如果我再收唔到貨又或者佢再唔覆我繼續失蹤，我就會向該拍賣網投訴同報警，佢就再話因為拎貨間廠換左新主管，原來傾好既價錢要有所調整，話要到聽日先答得我，如果傾唔成就會退款比我，如是者，之後繼續失蹤，因為我係第一次上網買咁貴既野，所以好擔心，果個賣家係超無責任感，我EMAIL咁多次佢就IGNORE咁多次，到琴晚終於再搵到佢佢話同間廠傾唔成，價錢要上調，我話唔緊要啦，我都可以比，但要先出貨或影快遞單比我我先再入剩餘尾數啦，佢就話自己話唔到事，今日會覆我，但又係無左影，呢個禮拜真係無尉無刻都留意住個EMAIL，又要返工，收左工都仲要唸呢件事，我真係覺得好折磨，我已經試左好多方法去搵個賣家，唸住系個拍賣度落BID，等完左就可以睇到佢既聯絡方法，點會佢取消左我既拍賣資格，仲拉左我入黑名單，連發問都唔可以，我真係唔知點做，各位，我係米應該報警? 好迷惘，感覺人地淘寶都仲有保障過Y拍賣，唉...求助無門囉