我有精神病...比D意見我....要實用!!

我21歲 男 患有思覺失調
其實個病係由好多是非壓力所引致 由上年開始發病 果陣面對好多是非
例如食飯 行街 返學 睇戲 在家中 去酒樓 都比人話我成日望住人地
當你望住人 男就覺得你對佢有意 話你GAY 女都有話我啤住佢
其實我試過無望人一樣比人話我望佢...可能我望一個方向佢以為我係望緊佢
我冇特登去望人 只係有時好奇望左兩下人地就比人話

最大壓力就係係學校比人傳我望人話我GAY....成班不停取笑我...
超大心理壓力...最終停學

最常聽到既就係 拿..佢又望過黎啦!!

另外..唔知係咪心理作用定係真係聽到聲 有人成日重覆講番我所做緊的行為
例如係家中窗邊聽到鄰居有時話我....拿佢去緊廁所啦...大前提係我真係去緊廁所
我隻手郁一郁....拎野....佢又重覆講番我D行為

我好介意人地諗乜同埋講我是非....所以我被E樣野卡死左...跳唔出E個框框
例如酒樓飲茶..我同親戚傾計 望住親人 都無有人無啦啦係對面枱話我望佢
搞到我社交生活都受影響 成日覺得望人就會比人講是非話我成日望佢啤佢
我去到邊都比人話我望佢...搞到我唔敢出街面對人..唔敢去食飯

我面對既問題有幾樣野:
1.好多是非..成日比人話我望佢啤佢...男話GAY 女話啤
2.成日聽到D重覆我行為的說話..好困擾
3.怕左D是非...唔敢出街...唔敢返學...唔敢停留係一個地方太耐
4.太介意人地諗乜....唔想再比人話我望佢 同埋評論我既行為
5.聽到D嘈雜聲又以為人地講我是非...疑心好大


我靜係想正正常常做番個正常人...唔洗比人話GAY...唔洗比人話我望佢...唔洗怕人地講我是非......正常出街食飯飲茶唔怕人多聲音嘈 人緣好D 唔好咁多是非....

有咩高見就係下面打比我啦....希望係用得著~~