同boyfrd拍拖一個月,很快便疏落了我

你可以直接啲講出黎
或者比啲暗示佢
因為男人好多時候都會知道自己做到同做唔到的事
你不主動一啲,好快就會消磨哂佢既熱情

不如你同男友傾下, 我之前都好似你咁, 拍拖一個月同男友疏落左

後來我跟男友有了性關係, 大家關係親密左之餘, 男友仲對我比以前好左

其實你地一齊之前, 佢係咪都鍾意打機??
可能佢本身都鍾意打機, 但為左追你, 願意花多少少時間去tum你~
不過可能都追到你, 就將時間擺返去打機, 而令你覺得忽略。
或者你都可以同佢傾下~~
其實想多d時間可以一齊拍拖相處~
拍拖唔係只係得個「名義上」, 都要大家互相關心、支持、溝通~
當然, 成日call佢, 阻住佢打機, 令佢冇乜空間, 可能會令佢反感~

你地可以傾一d方法~~
例如: 逢單數日子可以傾下電話、每星期見X次、打機前可以whatsapp講聲,等你唔好搵佢住等等
只要呢d方法係適合你地去相處~就可以用~
但如果佢繼續打機而唔理你~
你都可以諗清楚~呢個係咪真係你需要既男朋友?

希望你早日搵到方向~祝福你~

男人容易見異思遷,雖然和你拍拖,但若碰到更合意的,或已失去興趣,冷落你毫不出奇.不要把他當一回事,即使再回復友好,也會有失拖之時,還是另找他人好了.

你同佢出街會唔會有攬攬鍚鍚個D先?

如有, 可能佢覺得同你感情已經穏定, 所以咪冇花咁多時問係拍拖個度

如冇, 可能覺得同你拍拖悶

P.S. 始終2個人拍拖冇小小親熱動作, 基本上同普通朋友出街冇分別

你好～我都有喜歡打機的男朋友。^_^

不要擔心，男生喜歡打機同女仔喜歡看劇/shopping/傾護膚品的道理一樣的。如果佢有新遊戲，可能會好想玩。呢樣野同愛你係無衝突的。如果你地溝通好啲，而佢真係鍾意你，應該可以解決到的！

首先，約會就要有嘅！如果佢成日即興去打機唔見你，你可以試下星期六日就約定下次幾時見，又唔使約實，但要佢一定比時間你。（唔好鬧佢，係溝通唔係鬧交）如果佢只打機，唔見你，你就應該表達下唔開心。你要分清自己係討厭佢打機，定係對你關懷不足。我估計係後者，因為一個人嘅喜歡做一樣野（打機/看劇)，都應該分享自己嘅時間比喜歡的人。

第二，如果你對打機有興趣可以問佢打啲咩遊戲，咁佢可能就會同你分享。如果你知道佢打咩game,起碼佢會同你講，你唔會覺得佢好像喺另一世界咁。不過唔好話佢啲遊戲無聊或幼稚，candy crush咁簡單嘅遊戲都多人玩啦～同埋話佢，佢可能覺得講都費事同你講。如果你無興趣，可以不用了解game,但唔好話佢啲遊戲，因為佢興趣來的，點可以話？好hurt㗎！

第三，打緊機reply不到whatsapp的，雙手都拿手掣！因為要過到某部分先可以save！(如果你係講PS3/4 Xbox etc喺家玩遊戲)你如果好寂寞，不如叫他打完機call下你。你預左佢要玩2-3小時了，可能中途可以whatsapp下你,但你預左佢無咁上心。（想像一下：你看劇看到最精彩一幕....佢應該都係咁嘅feel）

如果你覺得冷落，一定要試下溝通，試下定約會日子！
也可以改改溝通方法：
e.g.唔reply你whatsapp?不如叫佢打機前講下,
又唔係報告比你咁，你可以叫佢玩開心啲,你又可以expect佢會玩一輪
，你自己都可以做下自己野。
同埋如果佢打啲遊戲你知邊類又可以問下佢玩成點
e.g如果你唔開心或要同佢傾，你可以直接講，叫佢陣間call/whatsapp你 etc.
（我個case,我男友怕我覺得佢唔理我會send佢打機畫面比我看，等我唔會覺得佢消失成晚XDDD也會介紹啲容易嘅遊戲同我玩。但我知道唔係個個受呢啲嘅。我覺得唔同人有唔同方法解決。）

其實呢啲方法都係隨便諗的，互相喜歡你們都可以互相包容。
你就下佢，如：打機唔煩佢，佢都應該理你關懷你。
如果佢無，要話佢知你掛住佢（唔可一味鬧）

你想佢打機中途whatsapp你，或有咩要求都好好表達。
佢唔會自己get到的。不過，要好聲好氣。

希望你可以同佢關係好啲！