買唔到保險,係咪可以買份基金黎做返個保障?

找到一個接近你要求的方案..請作参考..1!

由2014年開戶, 每月7488, 草10年

2024年,戶口結存 985,959(可以全數隨時取出)

妳好,睇過妳的情況, 建議可以嘗試再投保醫療保障.因為時間過了, 身體狀況亦有下同.

至於儲蓄方面, 選擇基金是其中一種方法, 考慮到年齡輕, 基金經驗是要放時間了解, 正如自己所說, 太多基金選擇反而不太合適, 建議投放每月餘錢放在強積金計劃內, 透過強積金了解運作. 與此同時, 參加一些不需申報建康的轉統儲蓄計劃互補基金計劃的不足.因為轉統儲蓄計劃較少受經濟週期影響.

如需要補充, 本人盡力解答.

考慮下呢幾點:

1. 基金管理費係點計,假設每年平均會報有10%,而基金以淨值收取3%費用,實數落袋會有幾多,計一計.

2. 透明度有幾高?你會唔會掌握到充分資訊?

3. 變現能力如何?比錢佢緊係易,想拎番錢有咩條件?

ps:假設買既基金係同上市既基金性質相近,可以試下比較,譬如追蹤恆指,可以用盈富基金(2800)拍黎比較下,睇下係月供盈富基金好d,定係幫襯銀行好d.

2014-08-31 18:45:30 補充：
5年前有朋友想幫襯友邦買單,我話不如直接買友邦股票,個邏輯係你相信佢地既產品,何不直接做其股東?當然係有風險(例如單一化),但重點係,既然任何事都有風險,反過來就應該要追求回報,只為逃避風險而漠視回報,本身就已經係風險.

2014-09-01 12:43:02 補充：
樓下朋友,你可唔可以補充下,點解要加注強積金,作為了解基金運作既門檻?

買多d,會醒d既咩?

同埋要65之後先拎得番喎,咪玩啦.

2014-09-01 19:34:10 補充：
樓上朋友,你要搵食我係唔會阻你,但你都要留意下自己講既野有冇矛盾,

你話"做呢個選擇一定要搵到個負責仼同對基金熟既consultant，否則多數蝕錢收場。"
"但其實風險係可以透過一啲策略同風險管理去降低，而佢地身邊朋友既bad experience大部分源自一個不稱職既consultant所提供既服務。"

第一句就係講人為其實就係關鍵所在,第二就係排除大量既不良經驗而相信會有上帝出現.

你話你d基金可以成日轉,我想問下你,點解要轉?我話多數係因為蝕錢,唔算過份掛?如果轉黎轉去都係蝕,咁請問所謂有得轉係有咩價值呢?係咪又係選錯人而非選錯基金呢?

2014-09-01 19:34:18 補充：
答你既問題:
1. 成績卓越,請補充可以連續維持幾多年?如果恆指黎計,都係平均13%而非每年10%.

而家要食飯,等陣再講.

2014-09-02 12:51:14 補充：
我睇完你既補充,再回應下你,但我知道大家都牛頭唔搭馬咀,唔係想同你嘈交,希望你明白下.

你話一年10%既回報,呢個說話係要慎言,然後仲話13%都唔難,會令客戶有產生美麗的誤會,第一已經講左,回報扣唔扣埋磨擦成本,第二係,係平均回報定係複式回報,第三係交易對手係邊個?令你可以咁樣預測回報,舉個例,過去5年客戶投資既版塊係大陸市場,你叻極都係跑贏大市多少,或者蝕少過佢,但有咩可能會超出大市10倍既水平獲利?唔通你D股票係自己印?市場冇你既股票?

2014-09-02 12:51:21 補充：
第三,你地收人錢係以淨值計算,人地係要每個月供新錢比你,原理上你地最多搵少左,但就唔會蝕入肉,人地同你開單,係個客幫你,唔好講成自己係幫人,一年10個%既增長,香港都係得一間叫中華煤氣既公司做得到,真係一間咁大把.當你預期有此回報時,踏實D去講出有咩理由,唔好用"04年買左騰訊,10年間就點點點"去講故仔.

最後我只會視你所講既野為廣告對白,同"如果中左六合彩會點點點"係冇分別,雷曼既教訓,對你地黎講,係人地過左去既"bad experience",你只會叫客人忘記,只係佢地唔好彩,唔使理既.

2014-09-02 12:55:16 補充：
PS:有個練馬師,博輸左場馬,就同個馬主講:哈哈,下次隻馬一定好好分!(賠率會上升)

"我只係想明確指出，唔係蝕錢先做基金調配，有時係為賺更多。"

2014-09-02 12:56:31 補充：
朋友,你有時間又解釋下101單攪咩,我都費事去講.

2014-09-02 13:03:39 補充：
同埋忍唔住都要講埋呢樣,你話轉基金唔收費,唔同轉股票每次買賣要手續費.

請問收費既定義係咩野,加管理費算唔算係?係咪每隻都相同收費(冇可能係啦)?唔好玩文字遊戲啦.

有時係勞氣在唔係因為蝕錢,係因為比人騙完仲要比人怪責係對騙子唔夠了解.

PS:所有野都唔係針對你而講,而係針對成個市場去講.

2014-09-02 13:09:35 補充：
人地全期用70幾萬既錢,10年既時間,去換取100萬用黎置業,根本就唔需要做到10%已經達標,好心踏實D去做啦,硬係要講故仔令D客衰貪心.

2014-09-02 22:52:42 補充：
算勒,我都講埋呢d就算,始終唔係要針對你,我要講既係成個市場既運作係好冇道德,我以客戶既身份去睇,唔係話要你地包生仔,而係要披露風險,唔好只講回報,始終係冇可能寫明包有10%,所以再講更高回報其實唔難,係想吐血.

牛頭唔搭馬咀,意思唔係話你講野係錯,而係大家各為其主,企位唔同,你要清楚明白,客戶搵既錢都係辛苦得番黎,唔係一句投資會有風險,價格可升可跌就可以埋單算數.

我自己而言,有幫襯你地買野,私下亦自己買股,所以我會有比較,就連香港既公司都未必好清楚,更加唔好講要睇哂全球既資產市場,買自己熟悉既產品,點都好過假手於人,因為一個人冇幾多個10年可以輸,就算輸,都唔希望輸得不明不白.

2014-09-02 22:52:51 補充：
你只係不斷提到回報,但就無法提供合理期望令我去相信會做得到,不過我明白,你係冇義務去教精我.

ps:我唔係完全負面,因為我係有買基金(佔投資約5%),而且係有回報,但並非贏錢我就會當係神,輸錢就鬧到pk,勝敗始終係常事,但一定要老實.

2014-09-03 10:35:39 補充：
101單有咩問題,好多人講過,你認為係冇問題,可能係你認為只要合法地行騙,呢個就冇問題,但當愈來愈多人供供下既時候發現問題,你係唔可能無視問題既存在,只不過係冇你計.

而10%回報,呢個唔係單講數字,而係要講埋個投資理念,你話有冇可能,今年盈富基金都已經有呢個回報,咩叫冇可能?反而係唔應該限制於回報,敢輸唔敢贏,但如果對於對投資冇認識既人,你既講法就好有問題,只講贏唔講輸,只係為賣野.

2014-09-03 10:35:58 補充：
咁就.....打仗既問題,波斯灣戰爭又好,911又好,從來都係買貨時機,呢點我同意,但都係同一個問題,唔係任何人都能夠承受呢種投資方式,譬如我有個朋友,佢長期有投資盈富基金,後來沽清,個原因十分簡單直接,就係認為賭股搵既錢係不義之財,恆指加左佢地之後,道德上接受唔到.

.咁我聽完都冇咩好講,只係尊重佢既執著,亦其實係好事,有自己既投資理念.
投資唔係只講數字回報,精神回報都同樣重要,要長期持有投資,靠既係信念,真誠,而唔係吹水,請你尊重下你既客人,畢竟,好多客仔既身家都多過市場上所謂既基金經理,而佢地市好時未必夠你地黎,但市差果陣,防守力係強好多,唔係智力既問題,係經驗.

2014-09-03 10:36:08 補充：
又或者再叻既人都好,最終都要得到市場認同先得,投資世界就係咁,好股得你一個會買,有咩用?衰股全世界去搶,咪又係會升.

我同你都應該各自返回自己既世界,你同我都冇錯,觀點唔同姐

2014-09-03 13:40:29 補充：
同埋你認真諗諗,以上例子不過係想安份守己去儲錢買樓,但你就可能幫佢攪出個俄羅斯套餐,咁可能係同客戶意願違反,但你就堅持係好搵,假設長期都用呢個思維投資,可能最終都係鋪鋪贏,一鋪輸(哂).

如果你有幾個餐可以賣比客,邊個好搵就賣邊個架啦,搵食既野,大家明就算啦.

其實可以試下買意外計劃，批到機會大，因為咁後生，因病離開機會唔大，可以當一個定期人壽咁睇，再講，都叫做有個意外醫療保障。

而其他保險買唔到，買基金儲錢增值以備不時之需係一個幾好既辦法，我都會建議自已客人咁做。至於同銀行買定保除公司買，兩者係有分別。

如果你本身對基金無咩概念，我覺得同保險公司買會好啲，因為部分公司既計劃係無限轉基金而不另收費。不過，做呢個選擇一定要搵到個負責仼同對基金熟既consultant，否則多數蝕錢收場。

當你十年儲一百萬，齋自己儲，一個月就要八千幾。但如果透過投資，假設每年有10厘回報，一個月儲五千已經可以成事。

老實講，我又覺得唔使特別將醫療儲備同置業計劃劃分，因為醫療費用升得快，儲幾多先夠實在好難講，反而group埋一齊就更����活。但如果考慮到兩年後有更大budget，我建議到時睇番情況再作決定，始終投資有賺有蝕，多左既錢可以放番係一啲穩定既資本增值計劃，平穩番自己個portfolio，對放自己定落既目標就唔會相去太遠。

2014-08-31 02:00:01 補充：
我自身都係一個consultant，專門幫年輕客戶做投資，呢個市場比較大，因為大部份年輕客人一聽到投資兩個字，就即時聯想到風險、同埋身邊朋友既一啲bad experience。

但其實風險係可以透過一啲策略同風險管理去降低，而佢地身邊朋友既bad experience大部分源自一個不稱職既consultant所提供既服務。

希望我既意見可以幫到你，同時如果你想了解更多可email我

2014-09-01 13:29:21 補充：
1.樓下朋友，如果係每年回報淨10%呢？

2.上市公司有財務數據公開，基金有fund fact sheet，透明度一樣唔低，最大問題係，再高透明度，係咪等同工作繁忙既人可以參考得晒？

3.每種投資方法都有pros&cons,基金係有條件拎錢，但唔荷刻，而佢既好處係基金仼轉唔收費，呢樣股票做唔到。假如市場出現變化，你有機會溝貨，沽貨，入貨，呢啲都要成本。

仲有係，一般買賣到既股票，都係香港同內地企業，如果好似97咁，經濟環境令到中港以至其他亞洲地區市場跌，但歐美市場升緊，呢個情況除左有機會做左大閘蟹，仲白白浪費左資本增值機會。

回應ps：變現能力比較好，但轉貨涉及成本。

2014-09-01 13:45:45 補充：
我認為買單同買公司股票係有分別，你做既投計劃資，升跌同公司股價根本無關；影響升跌既因素都唔同，你買股票蝕錢既時候，做既投資計劃可以係賺緊錢。

但係，你可以話，你覺得某間保險公司product好完善，會吸引好多客人買，所以睇好間公司賺錢能力同前景，係呢個前提下，買某保險公司既股票就係正確既事。


仲有就係，強積金自願性供款唔係65歲先拎得番。中間係可以提取，只係唔同形式有多少唔同限制，例如只可在僱員轉換工作時才可以提取，或者限制每年提取次數、最少提取金額及最低戶口結存等。

2014-09-02 04:13:37 補充：
老實講，我睇左幾次都唔係好明你所指既矛盾點。

再講，點解基金調配操作係因為蝕錢？市況有升有跌，低買高賣唔係正常既咩？當然任何人都無可能睇得準真正高位低位，但我只係想明確指出，唔係蝕錢先做基金調配，有時係為賺更多。

又再答你，10%只係一個明確參考數值，只係想俾樓主了解達到佢目標所須條件。如果講要做到回報有每年平均13%，我又唔認為係好難既事。


講真，唔好話阻我唔阻我搵食，岩既咪交流下。本來都無諗過回應你，係見你回應你樓下既朋友既建議時，係對問題認知上都存在少少誤差，希望更正番先順便回應埋。

2014-09-02 22:00:15 補充：
首先，我唔認為我有牛頭唔答馬咀，不過實情如何，留俾第三方評論。

我重申一次，我提出既10%，係樓主其中一個為達標而需要既條件。第同如果有人問一日點樣可以慳到一百蚊，我會答，每日賺兩百，但只洗一百。呢啲條件係可變，而與慎言無關。

我想指出，我講既係平均13%回報一年唔難，而呢個講法，係回應番你話恆指成立到今既平均回報。基於你既提問，我明確回應：扣除成本，平均年度化淨回報做到13%唔算難，當然要每年有13%就較難，始終有經濟週期同其他政經因素影響。我有咁既預測係根據返所揀選既金組合入面，所有基金由成立到今（短則十年，長則二三十年），經歷過大大小小升跌市後既年度化加權平均回報扣成本得出

2014-09-02 22:26:26 補充：
交易對手咪又係機構投資者同散戶等等。而你所提出例子，反映左市民買股票既限制：市場單一。呢五年，經歷兩大跌市：金融海嘯同歐債危機。金融海嘯之後，外圍好多基金大跌完成績亮麗，拉丁美洲一年升過百%。再講，恆指大跌前32000點，時至今日，仲離家鄉好遠，相反，美國既道指標指納指都唔知相繼破左幾多次頂。至於大陸證券市場比例細，散戶投資者比例多，再加上制度有待改善，回報唔理想唔出奇。如果過去五年專注大陸市場而賺到大錢，就真係高手。

唔講邊個幫邊個，買賣股票都要俾錢股票經紀收啦。為客人管理資本，收取酬勞亦人之常情。至於預期回報，上面我已經講過我既理據，不再重覆。

2014-09-02 22:54:42 補充：
其餘深夜再回應，現有事要處理

2014-09-03 02:38:59 補充：
係度回應：

101單出現係因為保險公司推出投資計劃時礙於公司性質，所以附加左微不足道既人壽成分。計劃生效時，客人身故，可得到戶口價值101%作為人壽賠償。但計劃最終目的都係投資。

收費係你可以指出有關投資時所涉及既所有成本。
有時係勞氣在唔係因為俾人話係騙子，,係因為未曾呃過會就背上騙子罪名
我咁講唔係針對你，係呢個社會。

同埋點解你覺得我提出10%係不設實際？你覺得無可能？

2014-09-03 02:52:07 補充：
我只回應埋今次，你當所有consultant都係呃飯食係你既事，我問心無槐，客人問我點解賺同蝕，我從未試過你口中所指既回應。如果你想要，我就講一個近期既操作。

俄羅斯同烏克蘭衝突再起，俄羅斯股市大跌，歐洲雖然話加強制裁，但經濟自身難保，歐洲比俄羅斯更依賴對方，其一係商貿往來，其二係俄羅斯掌握重要天然氣資源，所以對打擊俄羅斯作用不大。故此，我睇俄羅斯短期係會勁跌，但局勢只要一回穩，短時間內就會快速反彈。我一個月內必會幫客入貨。

信不信由你。