龜龜唔舒服！！！求救小生命！！！

去睇獸醫係上策,不過醫龜的就只有大圍果間:

大圍珍禽異獸及動物醫院
地址:大圍積信街75號地下
電話:26871030
服務時間:(星期一至五)9am-7pm,(星期六及日)9am-6pm

我試過去2次,不過係兩隻龜,第一次隻男龜係街市買的,唔知做咩事食唔到野,帶左佢睇,原來係個口腔生左粒野,以致冇胃口食野,由於當時要救佢但錢銀又有限,所以問佢有咩選擇:一係留醫,要3千多;二係配藥回家用,二千內,選左後者,主打幫佢打針,護士會教你點打針。之後醫好左,獸醫叫我去覆診,不過冇理佢。而家好返,一直唔洗再睇。另外佢當時都有皮外傷,我地用左滴露加水醫好左佢。

第二次隻女龜養左4年多,一向都好健康。有次佢右手唔識郁,之後帶佢去睇獸醫,結果留院一晚,洗左3千多,原來佢因貧血有5粒蛋係入面排唔出,右手發炎,之後我地幫佢打針兼食藥,結果佢郁得返。

你果隻之所以係咁,有機會係你比佢住既環境唔適合佢。有眼膜炎係因為佢住既地方太多菌;佢感冒係因佢住既地方忽冷忽熱,令佢適應唔到。

如果你用龜精靈都醫唔到佢就要去睇獸醫,唔可以再拖,如果唔係佢未必過到冬。
你呢D問題我以前都遇過唔少,有機會係你隻龜太細,如迷你龜,又或者佢本身係病龜。由於試過太多次類似咁既問題,所以之後我選既龜要如手掌(唔計手指)咁大先唔再出現呢D問題,因佢地有足夠抵抗力。

外間既龜藥醫得好既成功率好低,如果佢病情持續嚴重即係D藥對佢冇效。佢感冒鼻會塞,而且好多鼻涕,又冇胃口食野,呼吸會好辛苦,再加上佢眼持續發炎,有機會會盲,好危險。

你自己先衡量可否支付獸醫既費用再決定去唔去,佢既生命掌控係你手!

唔體醫生會死架，我之前隻龜冇提醫生米死左lor

乜野種類既龜都好...

傷風+張開口呼吸+眼腫+右眼仲有層白膜封住
+唔肯開口食野接近2個禮拜

=>仲唔嗱嗱聲帶佢睇醫生?

我都有只龜
如果情況冇好轉並且持續太耐既話就穩陣d
帶據去睇醫生
清楚了解據既病情
對症下藥
咁樣對據對你都好

我唔知你養巴係水龜定陸龜,
我家中既係陸龜,
如果咁情況最好搵醫生睇,
你可上網搵下問下邊間識睇龜,
我知好似沙田有間,
我以前都試過咁情況,
如果你既係陸龜,
佢地細隻時候, 氣候 好重要,
佢地係熱帶動物,
要比燈佢照, 要比暖管, 要平衡缸一半是較凍一半較熱,
而且要夠通風,
因為通風不良佢地好易會有你出現既病情,
可加抽氣...
病最好睇醫生, 但平時照顧保養好重要

2014-08-26 17:26:04 補充：
http://www.shatsuiroadvet.com.hk/ 睇下這間有冇啦

2014-08-28 22:49:11 補充：
除睇醫生冇其他方法, 再拖就會死,

你要說是什麼種類的龜龜 ?