上網買到假貨,但賣家說不知情

我比呢個問題煩擾左好耐 希望大家可以耐心睇完幫我解決問題

7月中既時候我就系網上向一個賣家買左兩對既air jordan,一對男一對女 加埋系$3300
因為佢當時同我講系外國入貨,亦都有單,所以我就一直以為系真貨就向佢買左
即日就入左訂金比佢。　到7月尾既時候佢話到左貨 之後就約交收
因為我系第一次買air jordan所以我唔知點樣分真假 之後我問佢 佢話交收果日教我
到交收果一日佢拎左對男裝既出黎教我分 我就一直點頭 因為我真系唔識分 只系可以信佢 之後就比埋尾數

過左大約3個星期我突然心血來潮上網想check下對鞋真定系假 之後我睇左好多既youtube片 亦都問過一d既賣家 我發覺我對女裝鞋同真既系有分別 之後我睇到一條youtube片系拍淘寶買番泥既air jordan , 我發覺我果對竟然同淘寶果對一模一樣, 而鞋入面的tag個number都只系相差最後一個數字! tag中既日期仲系 08/13/13 . 我再問其他既賣家 佢send張真既鞋既相比我 同我果對完全系有出入! 之後我再問過賣對鞋比我果個賣家, 佢竟然話佢系ebay向外國人買(佢從來冇提過佢向另一個人買) 佢完全唔知道系假 之後我再睇番佢比我張單, 系copy單黎 張單寫系champs sport度買 但d字超唔清楚 仲有我上網睇過 champs sports既單根本同我果張不一樣! 仲有張單好似電腦改過! 我叫佢退對女裝既錢$1500比我 佢話佢根本不知情, 佢唔會退!

到呢幾日我又發現連對男裝都系假貨 我同佢講番 佢之前明明同我講過佢收到對鞋既時候佢有對過我買果對男裝 同佢自己果對系一模一樣 . 但我之後再睇番佢之前post過自己對鞋既實物相 根本就系有分別既!佢果對系真 我買果對系假 姐系根本就系呃我!
之後我就問佢點解呃我 佢完全冇回應過呢一個問題 只系一直話佢都唔知情 佢話佢既客人冇人講過d鞋系假 佢冇可能退錢比我 佢只系同人入貨! 佢話歡迎我報警

我想問下
1. 如果佢真系唔知情 佢之前點解要呃我話佢對男裝同我買果對男裝一模一樣? 佢呃我根本就系佢想隱瞞自己賣假貨?

2. 佢一直話自己唔知情. 如果佢真系唔知情 , 我去報警既話佢系咪可以唔洗退番錢比我?

3. 我未夠18歲, 報警受唔受理? 要唔要家長陪?

4. 因為兩對鞋成$3300 ,我同男朋友又好憎假貨根本唔會著出去 , 冇理由白白著左一,兩次就放系度. 成$3300, 我仲系個學生. 有咩方法系可以令佢退錢?

ps.佢話佢自己向個外國人買左十幾對鞋 , 我問佢佢同我一樣果對鞋系咪都系同個外國人買佢都唔回應我呢個問題 我自己覺得佢根本就系故意賣假貨扮真 但仲要扮到自己咩都唔知 佢之前話過會系ebay投訴外國人 但我呢排問佢投訴左未佢都冇回應過呢個問題 仲有佢之前話如果個外國人唔理佢佢都會報警 但佢完全冇咁做過 佢都有比個外國人既email我叫我一齊問清楚 但其實email可以自己扮姐?
仲有個外國人而家又冇應過我同埋個賣家 根本就冇左下文 個賣家只系不斷重複佢只可以講唔好意思 佢唔會退錢 歡迎我報警報海關

唔通真系就咁就算數? $3300! 到底我點做佢先可以退到錢比我:(