想讀夜校，但唔知讀邊間好

以你而家中三黎講，ive就唔係太o岩你，而且風險都大，等我分析一下比你聽，上面位人兄經常答廢話，所以我想想詳細講你知。

1. ive如果中三入讀既係叫「中專文憑」，一般讀三年，三年內如果你是但一科唔合格，ive內部係唔承認你係中專文憑畢業，坊間更加唔洗講，本身就唔承認中專文憑。所以呢條路絕對唔建議你揀。

2.毅進亦係一個途徑可以讀完之後報讀ive既high dip，或者做政府工，但出路可能少d，因為毅進同dse唔同，中六dse選擇既有大學學位、副學士、高級文憑或其他，毅進就有個好處係可以兩年讀完後可以報讀ive high dip。但價錢當然貴啦！

3. 至於夜校中學方面，路德會夜校係比港專好，今年港專夜校有大部分科目都唔開，好似理科已經唔開，只開商科，而路德會就呢幾年都keep到開到基本既文理商科，所以你既選擇都會多d，至於你選擇讀夜校中學定係毅進就自己諗下，各有各既好處。

基本上而家都一定要有至少一個中六學歷，當然讀得上去就最好啦！希望你自己加把勁，諗清楚條路應該點行！

會考玩完好耐，而家係dse，你可以自修報考，唔一定要讀日夜校，返學唔讀書，都係白費青春，考到dse，無人問你讀邊間學校。