領取強職金

請問你係以下邊個情況？
1) 已到65歲退休
2) 公司要求提前退休
3) 公司遣散
4) 你自己決定離職

情況1,2,3都會因為勞工法例而出現公司支付長期服務金/遣散費，所以公司會有機會在強積金僱主部分提取價值對沖長期服務金/遣散費(有啲公司好人或者會放棄提取強積金的對沖權利)。

情況1因為已到65歲，所以你可以獲取你的所有僱員部分，另加僱主部分(如果未因對沖機制下俾僱主沒收的話……)
情況2,3就因為你未到法例退休年齡，所以你未可以收回僱員部分。而僱主部分仲有無就睇僱主有無對沖到。如果無就恭喜你，僱主部分從此計入你的個人戶口，再做新工時下一個僱主都唔可以對沖呢部分。

情況4就完全唔關事，公司無支付長期服務金/遣散費，強積金僱員僱主都入晒你的個人戶口。到法例退休年齡就收得到。

你夠65歲可以攞返你自願供款，非自願供款，及公司供款，未夠65歲唔可以攞非自願供款。