點先可以知道自己本身係咪同性戀者？

你太介意人地點睇你之餘，亦都太多嘢諗。

分享小小個人經驗，我係男人，好細個已經知到自己中意女人，亦都交過唔少女性普通朋友，除咗我會對比較靚的女仔有性幻想外，但無一個可以比到我有愛情感覺，細個時以為對自己好的大姐姐，我對佢地有好感，以為係愛情，但其實只係純綷好感。之後識幾個比較熟嘅女性朋友，情況都係一樣，我只係同佢地比較熟，就係咁簡單。但到咗廿七歲，遇到一個女仔，個女仔令我日日夜夜都諗住佢，掛住佢，唔只性慾咁簡單，而係好想同佢係埋一齊，以後剩係想同佢係埋一齊，我先知呢啲先叫愛情。

講得簡單啲，綠份話嚟就嚟，無得強求。家而無唔代表將來無。你亦都唔洗太心急，或者太介意人哋講乜。

其實想知自己係唔係同性好簡單，尤其是你係男人仲簡單，好多男同志細個就知自己性取向，因為男人性慾比較強，例如你記唔記得你長體毛係幾多歲?第一次夢遺係幾多歲？發綺夢時，對象係男定女?有性幻想時對男性係性幻想多，定係女多?呢啲都係介定你嘅性取向方法。

其實同事之間咁講起呢d話題, 都可能有好多原因, 亦都可能有人對你有意思想試探你, 你唔需要太在意佢地點睇你, 大家八卦下其實都好正常。

不過如果因為未遇到心儀女仔就擔心自己同性戀呢個諗法太「非黑即白」了。
世界上唔只係得兩面, 唔通你未親眼見過恐龍, 就覺得恐龍未存在過?
即使你的心儀對象未出現, 都唔代表你唔鍾意女仔, 而係鍾意男仔

1) 你唔一定係同性戀者, 解釋同上
2) 唔一定係用年齡去劃分, 可能只係你未遇到
3) 只能說你未遇到心儀對象

有人揀對象會留意: 外表、性格、身高、國籍、年齡
你可以試幻想一下, 如果你將來的家, 你想太太會係點樣ge人?
咩外表? 咩性格? 細過你? 定係大過你?
可能數多d, 你會掌握多d, 可能你心目中已經有個指標,
只係目前冇人達到, 所以你從來都睇唔上眼

但有時亦都可以係「憑感覺」,
有人會憑第一印象就覺得對方就係真命天子
呢d就係感情主導d~~不過你可能係理性d的人~
凡事都鍾意搵個原因

你而家先25歲, 可能之前種種的因素, 令你冇花心神去諗拍拖~
不過慢慢當你真係覺得孤單, 想有個伴的時候,
可能你真係會留意自己有冇鍾意ge人~
或者你都可以留意下有冇人已經鍾意緊你~
交多個朋友冇壞~!

看你的敘述和設問的方式，我感覺上你是一個較為對情感或者自己的感覺會用機械式的理性邏輯分析的人，所以以下試試和類似你的邏輯來回答和反問一下，讓你自己來參考回答，你應該會從中得出體會答案和以後如何面對同類的情況。

同事問你「其實有嘅，只不過唔想講姐」並不是表面話你隱瞞或者投訴你唔講真話，只係有風度和給大家一個下台階=你唔想講就算啦，其實也不是暗示假如你冇鍾意過女仔就唔正常，這些只是吹水的說話。

就著你問的幾個問題,,,不用作答的...不如反而這樣問反你：

如果廿幾歲咁大個人都真係未鐘意個男仔
1) 我係唔係唔係同性戀？？？
2) 我有有鍾意大自己廿幾歲的姐姐/姨姨(已假設你沒喜歡的小妹妹)？？？
3) 我相信世上有沒性慾(或沒感情需要)的人嗎？