電單車 劏車 CBR150R

你的情況似乎係無論劏定賣都係差唔多錢，我估大約係收番千幾到二千蚊左右，只要計一計數你就明。

首先就算係劏，其實都係賣俾所謂劏場的車房。你應該唔會打算自己攪，係咪？
部車如果劏，值錢的有兩大部分。
第一係個牌簿(因為車行最鍾意用電單車牌簿留住啲炒賣用的車牌，方便平啲過戶。)，一般行內都賣到六七八九百咁。
第二係部車的零件(每件零件唔同錢，不過CBR150R大陸件多，唔多值錢)，或者直接當廢鐵賣(應該都有幾百蚊)。
啲兩樣加埋大約千幾二千蚊。

如果賣俾車行，肯定係修理翻新再賣二手車。
2007年車去28car一睇大約值七千，你部車要整連工包料我諗四五千都走唔甩。
如果你連套衫(車殼)都爛埋，一要補灰噴過又二三千。
當你只係零件問題，無傷車架同套衫，七千賣價減維修費四五千，結果都係千幾二千蚊……

我估你不如搵間相熟的車房問問整幾錢先，計過整番唔貴，再賣或者自己當腳車用都係唔錯的選擇。

如果你無相熟車房，我自己用過兩間都唔錯。你需要的話可以私信我，我先俾個店名同聯絡你。(唔敢直接出店名，我唔想俾人當我宣傳扣分……)

最後聽你部車描述，希望你本人無乜事。