家陣成廿六歲人,之前都係邊讀書邊做7-11,叫有個high diploma
呢段時間斷斷續續做左好耐part time
到真係出黎做野做長工,入左機場保安做左一年幾
果段時間收入叫幾好,但係入面人事關係真係太黑暗 頂唔順
之後又無做到出番黎打算轉下工,但係又搵唔到份工好似佢咁上下(13k-14k左右)
咁又打番去約下睇下佢請唔請啦咁,聽電話幫你book 果個就話你等兩個星期都無電話就等於落選喇咁
到宜家都一個星期,我心諗如果要請番rejoin 應該一早打左比我,所以我當佢應該唔請架喇
不過家陣真係覺得超苦惱,我完全唔知應該點做好,就算宜家先話要進修
都一定要靠自己,屋企已經無能力可以幫我交學費
變相我一定要出黎搵錢,而且我都知得我呀媽一個做緊野係度頂,都好辛苦
我都想搵份好d 既收入可以幫輕下,而且屋企仲有白事都要錢
所以見今日有個政府文書助理已經即刻填表申請(當然唔一定中,但係填左好過無填先)
另外我有個朋友話我知7-11 經理其實都ok 其實都有12k-13k
見習經理就10k左右啦 我諗緊好唔好
但係我又唔甘心就咁將自己局限左係7-11 度
雖然我都知呢個世界真係有好多好多工做,香港只要肯做唔會餓得死人
但係見屋企咁樣情況我真係想搵番份比較好既收入
但係宜家我好似跌左落谷底度咁,完全唔知應該點算
有無ching 可以教下我應該點做?
ps : 黎緊勞工處既招聘會我都打算去見下
我想搵人教下我應該要點做
2014-08-09 3:38 am
回答 (3)
2014-08-10 1:41 am
✔ 最佳答案
你知點解你覺自己係谷底? 因為你好想而家即刻有晒你想要ge工作, 同時你覺阿媽好辛苦, 所以好想即刻令佢無咁辛苦. 7-11有工, 份工好似收入都ok, 但唔係你想做ge工, 所以你覺自己而家好似無路行.
咁問題係邊, 有無方法解決?
問題:
因為你執著, 執著係'理想'同'現實'ge分别!
解決方法:
人係要有理想, 但當理想未達到時, 就要向現實低頭. 如果我問你, 而家如果有份工幫補家計, 係未比無工好? 世上有幾多人可以做到自己想做ge工?
可能你仲年輕, 未明人一生ge路唔易行, 我都有過你呢個年紀, 呢種經歷, 呢種難受ge感覺. 如果我係你, 我會有工先做住先, 有機會就繼續試去試揾自己想做ge工, 或者咁講, 當揾理想ge工係一生ge人生目標, 希望有日做到. 如果做唔到, 努力過, 無人, 甚至自己都唔會怪自己!
你之前份工, 辭工時有無考慮過後果, 如果考慮咗, 未必會辭, 而家想翻轉頭又唔係咁易! 你仲年輕, 當呢個係一個經歷, 一堂課, 以後做任何嘢, 任何決定, 都要'三思'!
其實而家有路行, 只係你'執著', 你可以面對現實嗎? 有工先做住先, 但同時間一路留意機會, 咁就可以啦!
希望意見幫到你!
2014-08-14 12:39 am
如果你想一、兩年後, 即刻整個環境改變, 要看運氣. (我都要捱十年至有好轉, 我都有六年日返工晚返學既生涯)
想搵收入穩定, 政府工, 定期上公務員事務局網站搵.
或者, 搵幫政府做外判既公司, 有些行業和公司係專幫政府既合約工.
你想求其一份人工合理既職位, 定係一份可以發展既事業?
前者, 7-11 係銷售, 你可以去搵其他零售行業, 唔一定係7-11.
後者, 應該從你有咩HI DIP去想, 你會再進修既路, 有咩職位係有關, 性格上是否合適自己, 去搵份工做, 合適既留到, 覺得可發展, 先儲一年錢作儲備, 再求一個足以平衡讀書和生活費既開支, 至去讀書.
唔一定要再進修, 有些工作靠經驗.
機會唔會等人, 機會只有留俾有預備既人.
想搵收入穩定, 政府工, 定期上公務員事務局網站搵.
或者, 搵幫政府做外判既公司, 有些行業和公司係專幫政府既合約工.
你想求其一份人工合理既職位, 定係一份可以發展既事業?
前者, 7-11 係銷售, 你可以去搵其他零售行業, 唔一定係7-11.
後者, 應該從你有咩HI DIP去想, 你會再進修既路, 有咩職位係有關, 性格上是否合適自己, 去搵份工做, 合適既留到, 覺得可發展, 先儲一年錢作儲備, 再求一個足以平衡讀書和生活費既開支, 至去讀書.
唔一定要再進修, 有些工作靠經驗.
機會唔會等人, 機會只有留俾有預備既人.
2014-08-14 12:02 am
香港地,打工仔東家唔打打西家.香港唔興介绍請人.各憑實力各適其適.你明白勞工處就業輔導組的功能.你已掌握到一處可靠的資訊.你只要勤力啲,留意各種工作機會你一定能揾到適合自巳發揮的機會.
不過7-11的工作,時間長,又困身也許不是一份好啱理想的工作.你可以到職訓局網頁研究一下一些培訓課程,有津貼,學完即刻入行做工而且待遇合理.尤其是建築業訓練局.瓣瓣都千幾銀一日,未來二三十年大把世界.有些類別例如油漆裝修.要獨立經營都大把機會.如果日日千八.捱幾年亦可貯夠老婆本.一方面排隊申請公局唔揀擇三年左右上樓,其後申請居屋其後賣出居屋又賺一筆.衹要不吸煙,不賭.腳踏實地做人.你隨時可以建立富足人生.奉勸你即日起,發奮做人.要早起.做早操.不煙不酒不賭.在上述方向揾份工做住先.騎牛揾馬.揾到啱心水就努力全情投入!一定掂.但不可懶.
不過7-11的工作,時間長,又困身也許不是一份好啱理想的工作.你可以到職訓局網頁研究一下一些培訓課程,有津貼,學完即刻入行做工而且待遇合理.尤其是建築業訓練局.瓣瓣都千幾銀一日,未來二三十年大把世界.有些類別例如油漆裝修.要獨立經營都大把機會.如果日日千八.捱幾年亦可貯夠老婆本.一方面排隊申請公局唔揀擇三年左右上樓,其後申請居屋其後賣出居屋又賺一筆.衹要不吸煙,不賭.腳踏實地做人.你隨時可以建立富足人生.奉勸你即日起,發奮做人.要早起.做早操.不煙不酒不賭.在上述方向揾份工做住先.騎牛揾馬.揾到啱心水就努力全情投入!一定掂.但不可懶.
收錄日期: 2021-04-15 16:06:15
原文連結 [永久失效]:
https://hk.answers.yahoo.com/question/index?qid=20140808000051KK00154