日本去立山黑部的JR車票

你應該係指「立山黑部アルペン」套票.

其實該套票只可以喺大阪市內JR站 (應該唔可以喺關西機場買) 既綠窗購買, 而且分兩種不分方向既搭法:
- 北陸線往返 (先乘搭北陸線特急列車富山; 可以沿立山黑部Alpen Route前往信濃大町, 再乘搭大糸線到糸魚川轉乘北陸線回富山, 或相反方向, 即搭去糸魚川再轉大糸線去信濃大町再沿Alpen Route返富山; 再喺富山搭返大阪) (¥24260)
- 去回程北陸/中央線 (一樣搭車到富山, 沿立山黑部Alpen Route搭, 不過到信濃大町後就搭大糸線普通/特急列車到松本, 轉乘中央線特急列車到名古屋, 再轉新幹線回大阪; 或相反, 先搭新幹線去名古屋, 再轉去松本, 轉去信濃大町, 沿Alpen Route到富山再搭車去東京) (¥26730)

1. 雖然較貴, 不過我會建議北陸/中央線嗰個, 因為北陸線往返就會比較兜路, 而且大糸線/北陸線(糸魚川至富山)列車班次相對比較少.
2. 套票限期8日, 而且今年可以於11月23日之前購買, 而且可以喺同月30日之前用 (今個月11-20日外).
3. 限期內, 富山至信濃大町之間乘車不限次數, 不過套票內包括既特急列車/新幹線/JR線等各只可以搭一程.
4. 套票包括指定席費, 可以預先劃定指定席位, otherwise 可以坐自由席.





宅急便無得喺酒店做, 你只可以到附近既Yamato Transport營業所或附近便利店搞.
費用就視乎寄送日子/行李大小/酒店位置, 不過一般都係¥1500之內 (帶去便利店/營業可以有¥100優惠).