拔除4隻智慧齒！急！

正常牙醫係唔會叫你一次拔哂4隻,

拔完之後兩邊都會有幾日痛同腫(視乎牙醫手勢)ps:手勢好3日冇事

如果兩邊都有傷口,果幾日你點食野?同埋基本上係唔會全身麻醉

而牙醫正常都會叫你拔哂佢,智慧齒係冇咩用既

個人覺得如非必要都唔好拔,但你既情况影響到其他牙齒就..

而拔後正常唔會發燒,除非受到感染

最後建議你再找其他牙醫檢查多一次,聽多一位牙醫既意見

照x-ray見到唔夠位生, 係唔係急需要剝?
其實, 智慧齒可有可無, 無咩影響, 如果口腔狹窄, 會迫, 所以你個牙醫至咁狼, 叫你剝晒, 可以收四隻價錢.
剝一隻只需要局部口腔麻醉, 係安全架, 剝牙係會流血, 都正常, 但如果未出, 或你橫生個隻, 係要開刀, 又要縫合和拆線. 而且個時間會長一點, 好累架.
但我覺得一次個四隻, 係好有問題架, 仲要全身麻醉, 你估你有急症, 非要做手術不可咩? 全身麻醉其實會有風險, 應該有同意書要簽, (現實係有人麻醉後出事過身).
我覺得個牙醫有點不負責任, 四隻牙, 咪流好多血. 剝一邊牙, 仲有另一邊可以食野呀,都會食得好辛苦. 四隻... 你餓死都得啦.

橫生個隻, 應該要剝, 我N年前, 都係因為橫生, 所以牙痛, 要剝.
但知慧齒, 真係好神奇, 你照到佢, 佢都未必會出. 我記憶中, 只係分別剝咗兩隻.
重點你另外個三隻出咗黎未, 係唔係真係唔夠位. 我估你因為橫生個隻, 所以牙痛睇牙醫. 我建議你做咗一隻先...
最多係同一邊既兩隻.... 唔好做全身麻醉啦. ,

都係個句, 醫生好狼, 一次個做四隻, 搵四隻既錢, 局部麻醉, 和 全身麻醉, 肯定唔同價, 我估醫生想你安定不動, 可以短時間內, 當你魚生咁劏, 唔使煩.

當年我剝個陣, 係牙醫既診所, 由牙醫負責打麻醉針, 只有個口係痺. 而醫院打全身麻醉, 好似係麻醉師, 咁我估你個係私醫院係牙科?

如果佢堅持, 你又唔介意, 你都可以照醫生做法, 唔死得人既, 對你來說, 都係一鑊過. 最好搵啲中肯啲既牙醫, 啲大學既牙醫學院見一見醫生再問.

正常都唔會拔晒4隻~你又辛苦~幫你做果個都辛苦~

先脱2隻~去外國再脱2隻~

有，200幾隻也有。我指真的牙齒。不會吧！