深水埗北河街家興超級市場點行去

北河街其實有五個分站, 行法視乎搭邊條路線同邊一個分站落車.

大埔道「北河街」南行分站 (6C往九龍城碼頭方向):
落車之後行返轉頭, 到第一個路口就係北河街, 就見到行人隧道過馬路, 過完馬路出隧道之後再行返轉頭, 一路沿北河街行, 行多幾個路口就見到深水埗站B2出口, 穿過地鐵站行去對面A2出口, 一出喺左邊就見到間新喜珠寶金行, 上面就有間麥當勞, 再上去就係家興超級市場 (不過經麥記嗰邊入).

大埔道「北河街」北行分站 (81往禾輋方向):
落車之後直行, 到第一個路口就係北河街, 轉左 (唔駛過馬路), 沿北河街行 [再入到地鐵站之後跟返上面方法行].

元州街「北河街」分站 (6往荔枝角、6C/86往美孚、N241往長宏、702/702A往海麗邨、796C往蘇屋方向):
落車之後直行, 到第一個路口就係北河街, 轉左, 沿北河街行 [再入到地鐵站之後跟返上述方法行].

長沙灣道「北河街」南行分站 (主要係荃葵青/新界西至油尖旺路線途經):
落車之後直行就見到深水埗站B1出口, 穿過去A2出口就見到新喜珠寶金行/間麥記/家興超級市場.

長沙灣道「北河街」北行分站 (主要係過海路線、九龍東/將軍澳至九龍西路線途經):
巴士站旁邊就係深水埗站A1出口, 後面就係A2出口, 附近就見到.

汝州街「北河街」分站 (42往長青方向、86C/P/X往長沙灣方向、以及部分油尖旺至荃葵青路線途經):
落車之後直行, 到第一個路口就係北河街, 轉右, 行多一個路口就見到深水埗站A2出口, 右邊就係新喜珠寶金行/間麥記/家興超級市場.

荔枝角道「北河街」分站 (少部分由荃葵青/新界西至油尖旺路線途經):
落車之後直行, 到第一個路口就係北河街, 轉左, 一路行到深水埗站A2出口就喺右邊見到.


2014-08-03 21:12:23 補充：
實際上應該係七個分站, 不過如果唔計方向既話, 只有五個分站

家興超級市場: 九龍深水埗鴨寮街176-180號新北河大樓1樓 (北河街入, 港鐵深水埗站A2出口側)

2014-08-03 18:53:00 補充：
麥記樓上.