由赤柱點去香港動植物公園

你可以乘搭6/6A/6X/66/260, 視乎時段, 邊度上車, 以及想快/平/睇風景等.

6－可以喺赤柱監獄*/赤柱村搭, 星期一至五非繁忙時間同星期六/假日大部份班次會繞經馬坑同赤柱峽道. 最平 ($7.9/馬坑起收$7.3), 而且最多風景睇 (經黃泥涌峽道), 不過較慢 (車程需大約50分鐘), 唯一就係可以避開塞車位.
6A/6X－前者只限下午繁忙時間服務, 由赤柱炮台開出, 後者全日服務, 由赤柱監獄*開, 兩架途經赤柱村同馬坑. 次平 ($8.4), 快少少 (途經香港仔隧道同皇后大道東, 正常情況之下車程大約40-45分鐘), 不過繁忙時間會比較易塞車.
66－只於星期一至五繁忙時間服務, 由馬坑開出, 唔經赤柱其他地方, 其餘時間可以改搭6/6A/6X. 行走路線同6相同, 不過收$8.9 (因為66由新巴經營, 其餘路線由城巴經營, 收費標準有所不同).
260－可以喺赤柱監獄*/赤柱村/赤柱峽道搭, 全日服務, 不過由於最快 (途經香港仔隧道同告士打道, 不過呢啲路段繁忙時間一樣會塞車, 正常情況之下車程大約35分鐘), 同時都收得最貴 ($10.6).

*6/6X/260官方資料雖然話赤柱監獄開出, 不過實際上去到赤柱村總站會稍作停留而且需要落車, 如果用八達通轉乘原線/以上另一條路線, 第一程路線可獲回贈.


如果搭6/6A/6X/66, 到長江集團中心落車, 落車之後行返轉頭, 過咗長江集團中心之後就係花園道, 轉右沿花園道一路直上, 過咗山頂纜車站繼續上去, 就見到動植物公園巴士站, 旁邊要經過兩組樓梯上去動植物公園入口.
如果搭260, 到皇后像廣場落車, 落車之後行返轉頭, 到昃臣道轉右, 之後到遮打道過馬路轉左, 穿過遮打花園出金鐘道, 過埋馬路就到花園道路口, 沿花園道一路直上.



由於花園道嗰度一路都係斜路, 如果唔想行上一大段斜, 上述路線可以搭早一個站, 去到太古廣場(6/6A/6X/66)/海富中心(260)落, 落車之後分別前往高等法院再經天橋過馬路入力寶中心再行返落添馬街巴士總站/直行到添馬街轉左再穿過橋底前往添馬街總站;
乘搭12A ($4.3, 車程大約10分鐘之內) 到女青年會落車, 落車之後行返轉頭, 到花園道轉右, 就見到有行人天橋入動植物公園.


落車後各站前往公園步行路線圖:
http://www.map.gov.hk/gih3/view/mapshare.jsp?quickshareid=aafe166aeb3977149468cb4a2a24469f32f3&lang=tc&lite=false
(紅線=260, 綠線=6/6A/6X/260, 藍線=12A)

2014-08-01 01:06:11 補充：
6/6A/6X/260車程係由赤柱村起計, 不過6號未計繞經馬坑時間 (多於5分鐘).

2014-08-01 01:11:02 補充：
長江集團中心、皇后像廣場、女青年會巴士站步行往動植物公園需時分別大約10-12分鐘、20分鐘左右、同5分鐘之內.

2014-08-01 13:06:44 補充：
003:
金鐘同中環行過去差唔多, 不過對於唔熟路人士嚟講, 中環可能會好少少, 因為穿過太古廣場同香港公園會比較麻煩. 加上行上去嗰段路都係同上去山頂纜車同一條路, 沿途都可以跟山頂纜車牌, 只不過到纜車站繼續直上.

繁忙時間搭6或66好D,因為香港仔隧道嗰陣超塞,由出口塞到入口嗰邊,其實都係由紅隧嗰邊開始塞就塞到香隧。所以嗰陣都係搭上山的好D

在金鐘落車比較好的.高等法院旁有部份是香港公園,在金鐘太古廣場旁有條樓梯上高等法院,然後行前是茶具博物館,見有個嘖水池,再行前就是香港公園,禮賓府等,可再上的.
只有6/6A/6X金鐘太古廣場有站,260在天馬鑑才有站.
黃頁地圖可以查交通路線http://www.ypmap.com/ch/viewer.asp?mapService=LocationMap_c在左上角按[入地點名稱就會替你找出那位置的地址/地圖/等資料.還有在路線,可幫你尋找交通路線?可以輸入路線號碼後,按左邊的詳細路線/後將右邊行車路線圖放大,這就相當清楚要點行去.城巴http://www.nwstbus.com.hk/home/default.aspx?intLangID=2

圖片參考：https://s.yimg.com/lo/api/res/1.2/rbOSbtKKmlag5KRUqSBDCg--/YXBwaWQ9dHdhbnN3ZXJzO3E9ODU-/http://m.hketransport.gov.hk/img/rr/downpoint_ns.png
華富邨華樂樓, 華富道

圖片參考：https://s.yimg.com/lo/api/res/1.2/0HtP7tEiu4SJZ8e158OPGQ--/YXBwaWQ9dHdhbnN3ZXJzO3E9ODU-/http://m.hketransport.gov.hk/img/rr/time_icon.png
95 分鐘